Zekaria 7
7
Kethera di Mevokecü Pejokeshü
1Kediu Darius dikelie cie dia cie, khrü thepfüu, süusü Kislev-u khrü zha dia nhie Jihova die Zekaria ki vor. 2Süki Bethel themia Sharezer siro Regem-Melek mu uko themiako ketsepie Jihova medo-u rüsatuoü, 3tsiu krodiko Jihova ki nu bayakezha zievoko tsiu siedzekesiko ketsotuo üdi sie, “A teicie kekra chü kevor tuoi a bu khrü pengouu khrü thekrü chü mu a kela kemesa krei se ba morosuotuo me?” 4Sitse krodiko Jihova die a ki vor: Kijü sünu themiako mu siedzekesiko ki pushücie: 5Nieko teicie hiethenie khrü pengouu mu thenieu nu mevo tsiu thekrü chükecü ki, a la mevo me? 6Siro nieko cüükriekecü ki nieko thuo nieko rübei la cüükrie moü ba me? 7Hakoha thiedzü Jerusalem nu themia kruo tsiu lhou keba ki, siro puokhieümhou rünako nu, tsiu Negeb mu Shefela nu rei themia lhou keba ki Jihovae siedzekesiko geinu pukecü die mo me?
Ukepenuopfü Diekhakeshüu Meliekewa
8Jihova die Zekaria ki vor di sie: 9Krodiko Jihovae puya: Kethocau chüshülie, ketseikevi mu ngukemezhie se huoniehuo gei shülie; 10Samimiapfü, merünuomia, solhimia morei kejümia pese hie; mu huoniehuo ngumvü di nie melou nu mha kesuo rhü hie. 11Derei ukoe rünyü mvüte, sidi u nou kere boukau pela pielie, tsiu rünyü mvü di uko nyieto keguliete. 12Ukoe krodiko Jihovae kerieki siedzekesiko geinu puo ruopfü ketseshü di thezho-u mu die pukeshüko rünyülie lho üdi u nou bie pekhrüpie tsiekhrü tuoiliete. Süla krodiko Jihova noupfhü kemeriekecüu vor. 13Süla, puoe meliekeshü ki, uko rünyü mvüketa tuoi, sütuoi uko meliekeshü ki, a rünyü mvütatuo, krodiko Jihovae siya, 14mu a khriewhi geinu uko keza kecürepie si kemo seyie pete nu shüwa. Hakemhie di uko khakewa kijüu razhüte, sidi miapuorei tuo kho mu ke mota, tsiu u kenei kijüu ruozhüte.
Currently Selected:
Zekaria 7: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
