Mhasidie 22
22
1Theza kevi-e kinyi kekra ki rei vikuo,
tsiu mia khriekepfüe rakachü morei suna ki rei vikuo
2Kenyiu mu kejüu unie kenienie kemhiekecüu ro;
Jihovae unie chükeshüu zo.
3Kemenuomia kemichie ngu di puo thuo puo kereilieya;
derei momhicümia tuo zo vo di kemezhielieya.
4U chü kerünuokelie mu Jihova khrüpreikelie zhakhrae kinyi,
therhu mu kerhei zo.
5Mia ri nu tuoyakemomia cha nu zohu tsiu kebie dzülieya;
themia u thuo u kereikeliemia mha süko ze kepetselietuo.
6Nhicumia bu voketuo chau nu puo dojüshülie,
sitse puo phichükelie ki puo süu therhietalie lho.
7Kenyimiae kejümia kekhaya,
tsiu mia vie thepukelieu mha pie puo thepukeshüu kituo chütaya.
8Dietho kemo tsia prukeshüu nousuo retuo,
mu puo nouyie seiro-u se mhachü salie motatuo.
9Kekhrie mhi kenyimia thejapfütuo,
puoe puo kecüca pie kejümia ze kezakecü la.
10Mha krekenyüu whuowaliecie,
sitse keprülikecü jütatuo,
kegeikecü mu huoniehuo pesekecü ba sa motatuo.
11Thenou kemesa u neiyakezhamia mu mia ngukemezhie die puyakezhamia
kediu pie puo khriethomia chülietuo.
12Jihova mhi-e mhasimhale la menuo baya,
derei puoe dietho kemomia dieko chü pejüwaya.
13Kemecüue sie,
“Losha puo chazou ba!
Cha nu a tewatie!” iya.
14Thethenupfü#22:14 Ibri Puo rhi kekreipfü. tie-e thekhe puo zo;
Jihova noupfhüu u gei kebamia te sünu tsutuo.
15Nhicumia melou nu kenyazho bu phase baya,
derei kepetha seiro se puo geinu süu whuopie kepetse nu shüwatuo.
16Mhanyi salietuo üdi kejümia peseyakezhamia,
morei mha pie kenyimia ketsümia ketsopfhü ngu phre zotuo.
Mhasi Ca Serko
17Mhasi dieko:
N nyie kedeipie a dieko rünyüliecie,#22:17 Cn pie Gk mejüshülie: Ibri N nyie kedeishülie, sidi mhakesiu die rünyüliecie.
mu n melou pie kepetha die zeliecie;
18süko pie n nou balie
mu pete se n pfhe n die chülie ro n neilietuo.
19N bu kepele pie Jihova gei balieketuo la
a thie süko pie no zocüu rei pesipengushüwate ho.
20A tarhokeshü die,
mu mhasimhale ca ser thu n tsü mo üme?
21a kemezhü mu ketho-u thapie n kieshü di,
ketsepie n ki keshüko ki n bu ketho touu se uko die kelashülieketuo la.
22Kejümia vie rügu hie, puo mhajücü la,
morei kharuki dienya bau nu kemezhie ketuomia pese hiecie;
23Jihova uko yapieketuo la,
mu uko pekayakezhako pekawatuo.
24Themia noupfhünouyie kesuomia ze khrietho chü hie,
morei mehiemehakecümia ze kepeza hie;
25no puo chako silie,
di te le kebie nu n mapfülie rei silie lhomu.
26Thepupfükezhümia la u die khakeshümia,
morei u dzie khakeshümia puo chü hiecie.
27No mhapuorei pie mia suketuo ba mo üro,
kiüdi mia bu n kinu n zhü chüsetatuo mu?
28Thiedzütho theriethekro,
nie puonuokoe khapie kezhüko chü kediwa hiecie.
29No mia huo mhachü si seketuo ngu mo?
Puo kedimia lie chütuo,
puo miahoumiaruomia lie chü lho.
Currently Selected:
Mhasidie 22: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
