Mhasidie 23
23
1No kezhamia puo ze mhacütuoü ke bakelie ki,
kedipuo n mhodzünu ba shiü le menuoshülie,
2no mhacü n medasuoya üro,
zhietenuo puo pie n mezha nu shüwalie.
3No puo kecüca kelheko mehou hiecie,
sükoe mha ketsikecü ca zokecü la.
4Mhanyilieketuo la mhachü rükhrerüyi hie,
n kekhalieketuo mhasi nyiliecie.
5N mhipie kinyiu mehokeshü ki,
süu ba motatuo;
süue puoshü chülie di tsüüra tuoi pruo teigei votatuo.
6Meteikrücümia niekhrüda cü hie,
puo ca keviko rei mehou hie;
7kekreilamonyü puo nou kedipuo leya shi puoe sümhie zo.
Puo n ki pu di,
“Mhacümhakrielie” ishüya,
derei puo nou se süu pu mo.
8No cükeliekoyo merü lawatuo,
sidi puo kethezie dieko pie kemethuo chüwatuo.
9Kenyamia kesi kinu mha pu hiecie,
puo n mhasi dieko rütsetaketuo la.
10Keriekimia theriethekroko bie kediwa hie,
morei merünuomia lieko pra hiecie;
11Kekreilamonyü uko rhakelieue kuo phicü la;
puo uko yapie di n petsoutatuo.
12N nou pie kepetha dieu zelie,
tsiu n nyie pie mha kele dieko rünyülie.
13Nhicuyo pethakecü n ketheta hie;
no seiro pie puo vükeshü nunu puo siatalie lho.
14No seiro pie puo vüshü ro
no Sheol nunu puo kerheiro kelalietuo.
15A nuo, n nou mhasi ücü we,
a nou ha zorei puo neilietuo.
16N tie-e mha puotoukecüu pukeshü ki a ruopfü rei puo neituo.
17N nou bu kephoumamiako ngu puo ro hie,
derei teisozha pete Jihova khrükeprei nu baliecie.
18N siedze puo ba tou zo,
mu n kemerü jütalie lho.
19A nuo, rünyülie di mhasiliecie,
mu n nou pie chau nu shülie.
20Zukriebouko,
morei themuo kecü khuko donu ba hie;
21kekreilamonyü kemezemia mu kecahuokecümia mhajütatuo,
tsiu rüngu mhiemhiekecüe mia bu pfhenyhiepfhekra chü dzietaya.
22N puo n pelhoukeshüu pfhe rünyülie,
mu n zuo tsaketa ki puo rütseta hiecie.
23Ketho-u khrülie, mu süu zewa hie;
siro mhasi,
kepetha mu mhacamhala sikelie rei sa khrülie.
24Nuo kemiatho-ue puo puo bu puo nei phituo;
mhakesi nuo puo lhoukelie la puo puoe puo neituo.
25N puo n zuo bu u neiliecie,
n penuokeshüpfü bu puo neiliecie.
26A nuo, n nou pie a tsücie,
sidi n mhinie bu a chako mehoterüliecie.
27Thethenupfüe thekhe puo kemhie,
mu thenu pieüpfüe#23:27 Ibri Solhipfü. thekhe kemere puo kemhie zocü la.
28Süpfüe sekecümia mhie di pfhe baya,
sidi themiako donu mha kesuo kechümia chü pekrashüya.
29Supuonie meheimelo ba ga?
Supuonie thenou suo ba ga?
Supuonie keprüli ba ga?
Supuonie panyapara ba ga?
Supuonie puocapuola kejü nu rüzapfü ba ga?
Supuonie puo mhi merie ba ga?
30Zu khieki ba pechayakezhamia,
zu kereikecü pfhüyakezhamia.
31Zu rülemeziepfü keba ki,
tehie nu meluo keba ki,
süu setepfü keba ki, no meho hie.
32Kenuotsa süue tinyhü tuoi n medutuo,
mu nyhübvü mhitsie tuoi n krowatuo.
33N mhi-e mha kemeriekecüko ngutatuo,
mu n noue mha kesuoko le partuo.
34No dzükezha metsuo nu kezhü mhietatuo,
morei rou sei tsüle gei kezhü mhietatuo.
35Noe sie, “Uko a vüwate,
derei a vü pesuowa mo;
uko a vüshü,
derei a nyükecü si mo,
kedikechükipuo a colietie shi?
A zu krieketuo pfhü satuo,” si batuo.
Currently Selected:
Mhasidie 23: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
