Mhasidie 21
21
1Kediu meloue Jihova dzie nu ba;
puoe süu dzükru mhie kewhipie puo medotsa volie vi.
2Themia kehoupuorei puo thuo puo mhiki we
puo chako üse mezhü üya derei Jihovae u melou mejüya.
3Jihova mhodzüki we diethomiatho
mu mha puotou di chükeshüe ruosuo ki vikuo.
4Kemiavikecü mhi mu kemiakokecü melou,
siro kerüzhümia mitukoe kephouma zo.
5Mharhü menuokelie mha kekra u vie chülieya,
derei kehoupuorei meyhuwa ro tsopfhütaya.
6Kemeda meü se kishükinyi ngukelie-e
mhoutsa hepfüketa mu kesia bie#21:6 Gk: Ibri Mhapfhükezhako. nu leketa zo.
7Kerüzhümia u mhatho kesuoko thuo u pekawatuo,
kekreilamonyü uko mha puotoukecüu chü mvüketa la.
8Jokecümia chae rüwirüge zo,
derei kemesamia mhathoe mezhü.
9Ki peso puoke yopuo nu keba we
thenu puotie kerepfü puo ze kidi nu kelhou ki rei vikuo.
10Kerüzhümia noue mha kesuo menguya;
puo siezanuomia puo geinu ngukemezhie ngulieya mo.
11Mhakrenyüyakezhamiae siazha ngukelie ki, miamomia rei mhasilieya;
mhakesimia pethakeshü ki, puo mhasimhale ngu salieya.
12Kemiathomiae kerüzhümia kiu dze le baya;
derei Kepenuopfüe kerüzhümia kelhoupie kepeka nu shüwaya.
13Kehoupuorei mhakejümia u ja u nga rükhruokeshü rünyü mvü di u nyie kegukeliemia,
puo rei kekra tei ngukelie nhie, mia puo pfhe rünyü lho.
14Kepekhre nu mha pie mia tsükeshüe nouyie bie kediwaya,
theso keviepie mia tsükeshü nunu noupfhü therhielieya.
15Mha puotouu chükeshü ki,
kemiathomiae süu ngu u nei baya,
derei mha kesuo chüyakezhako gei we nousuo vortuo.
16Themia mhasimhale chau vaciepfü praketamia
kesiamia kehou nu batatuo.
17Lhou u theguo chü nyüyakezhamia kejümia chütatuo;
zu mu tier u neikezhamia mhanyilie lho.
18Kerüzhümia mha kesuo pie kemiathomia gei shütuoü kebau u thuo süu dzüpfülietaya.
19Thenu rhodzürhopre mu panyapara sei kebapfü puo ze lhou keba ki vo rayha nu lhou kebau we vikuo.
20Mhama kere kinyi-e mhakesimia dzie nu baya,
derei mhasikemomia süu ketsiwaya.
21Kemiatho mu ngukemezhie whuo tuoyakezhamia kerhei#21:21 Gk: Ibri Kerhei mu kemiatho. mu therhu ngulietuo.
22Mhakesimia puoe nadi kuo kebau meli sie di mia
süu pele kebako zorei penyüwaya.
23Themia puome puotie kekhakeliemia,
kemezhiekecü nunu puo thuo puo kelalieya.
24Kemiako, kerüzha tuoyakezhamia za üse “Mhakrenyüyakezhamia” iya.
25Kemecümia menguue puo dukhriwaya,
kekreilamonyü puo dzie-e mhachü mvüyakezha la.
26Kerüzhümiae zhate mha mehou baya,
derei kemiathomia mha khashüya mu khase bataya mo.
27Kerüzhümia ruosuoe kerütse zo,
süki rei mha kesuo kele nunu se kevor we kedipfü kerütsekuotuo shi!
28Ketijü zhapue jütatuo,
derei mia die süu rünyükelieu pu sei tuotaya.
29Kerüzhümia thepfukecü zie pekieya,
derei kemezhümia we puo chako le menuoya.
30Mhasi, mhacamhala sikelie,
morei ketahiketarhokelie nu Jihova petsoukecü baya mo.
31Terhükegeiketuo nhie la kier kesese thaya,
derei kuokelie-e Jihova vie.
Currently Selected:
Mhasidie 21: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
