Mhasidie 19
19
1Mhajü zorei diethoketuoue themia puo tie re
mu mhalekemo-u ki vikuo.
2Themia shürhei phi tuo rei mhasimhale sa mokecüe vi mo,
mu puo phicha rhürhükezhamia cha vajowaya.
3Puoe kerhanyakecü geinu cha nu kepeka vorya,
derei puo noue Jihova pejotaya.
4Kinyi geinu khrietho kekra ze vorshüya,
derei kejümiae puo khrietho jüya.
5Ketijü zhapu kechümia siazha ngu motalie lho,
mu kemeda kepumia rei süu therhielie kenjü.
6Themia kekra rei kezhamia nei chüketuo pfhüya,
mu kehoupuorei mha methuo khapie u ketsüu ze khrietho chülieya.
7Kejümia puo siezedzürie pete puo mecütaya;
siüliro puo zemia we kide puo ze kepecietatuo mu?
Puo die pu uko whuo voya, derei uko puo khawaya.
8Mhasi ngukeliemia puo thuo puo kelhou khrieya;
mu mhakelemia vi kehielietuo.
9Ketijü zhapu kechümia siazha ngu motalie lho,
mu kemeda kepumia katatuo.
10Kenyamiae lhou u theguo chükecü ze kevazhü mo,
süki rei kituomia bu kedimia nuonuo kekhakecü we suokuo.
11Kesikele u gei ketuomiae u nou meyie mhataya mo,
mu puo kevi-e mia puo gei mha kesuo chüshü zorei ngu kemo mhiewaya.
12Kediu nouyie-e losha kemeho tuoi,
derei puo neiketae nha gei thezei kezhü mhie zo.
13Nuo kekhranyacüue puo puo kepekau zo,
tsiu kegei sei bayakezha kimiapfüe teirü po sei keba mhie zo.
14Ki mu kinyi-e u puonuo kinu kevor kayie,
derei mianupfünuo kevipfüe Jihova kinu vor zo.
15Mhachü kemecüe keze kesou nu se vorya,
mu kemecüu merü di kemezhietatuo.
16Diekhakeshüko se bakeliemia u kerheiro se balieya;
derei dieu rütseyakezhamia siatatuo.
17Kejümia ngumezhieyakezhau mha pie Jihova thepuya,
mu puoe puo mhatho sou ngu tsei latuo.
18Kemerü baluokecü nu n nuo pethaliecie;
puo krazhü zorei pethakecü khawa hiecie.
19Nouyie keremia siazha ngu di kemezhietuo;
no puo kelashü üliro, no süu pfü laya.
20Tarhokeshü die rünyülie mu kepetha die lieliecie,
hasie n bu mhasi ngulieketuo la.
21Themia noue mha kekra rhü baya,
sishierei Jihova mharhüu rübei thakelie zotuo.
22Mia pete geinu mengukecüu sü dietho zo thakelieu,
mu kejüe kemeda ki vikuo.
23Jihova khrükepreie kerhei tsatie zowe;
süu ngukeliemia khrukhretatuo;
mha kesuo puo gei vorlie lho.
24Kemecümiae puo dzie pie puo khou nu khrupie baya,
se kho puo me rei va mo baya.
25Mhakrenyüyakezhau vüshücie, sitse miamomia mha kevi silietuo;
kesikelemia kerhieshücie, sitse puo mhasi salietuo.
26U puonuo pesekezhau,
tsiu puo zuo whuokewaue thenga krashüya mu thetha se vorya.
27A nuo, kepethadie kerünyü nunu rüyota hiecie,
no mhasimhale dieko rünyülieketuo la.
28Ketijü zhapu kechüue ketho-u kretaya,
mu kerüzhümia me mha kesuo mezulieya.
29Mhakrenyüyakezhako pejoketuo,
mu mhasikemomia chie vüketuo la seiro kesepie bate.
Currently Selected:
Mhasidie 19: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
