Mhasidie 17
17
1Mha huoyo se di kezevi kebae,
kinu thehethehie tshupfü di kegei kebau ki vikuo.
2Kedie mhakesiue kethenga mhatho chüyakezha nuou kekhatuo,
mu siezedzürie kayie kezakecü nu u ya rei ngulietuo.
3Puo khou nunu rakachü lhoya,
mi nunu suna thelieya,
derei Jihovae u melou dojüya.
4Mha kesuo kechümia kerüzhümia die rünyüya;
mu kemedamiae kelhiekecü die rünyüya.
5Mhakejümia kreyakezhaue puo Pelhoukeshüu kengaya;
mu mia kemezhiekecü ki puo nei kebau siazha ngu motalie lho.
6Mia tsunuokoe ketsamia tsüla zo,
mu u puonuokoe unuonuo zayie zo.
7Die kevi kepue kenyamia vazhü mo,
kemeda kepue süki rei kezhamia#17:7 Moro pehümia. vazhü mokuo.
8Theso khashüyakezhau mhinguki we theso sü puo la ketsie theguo mhie zo,
kehourapuorei süko mhachü khrielieya.
9Miakerhiekengakeshümia puo kejo vakeshü nunu khrietho pelhoulieya,
derei keboukecü sie kebou lacümiae khrietho chü khowaya.
10Mhakesimiae va puo kerhiekeshü zo rei,
mhasikemomia va krie puo vü pethakeshü ki mhale pesoukuolieya.
11Kesuomiae kegeikecü rübei pfhü tuoya,
süla puo zho kesuo dieliemia ketsepie puo petsoutuo.
12Puo nuo rüguseketa thega krüpfü ze kesekecü we
mhalekemomia puo kekhranyapfü kebau ze kesekecü ki vikuo.
13Kesuo pie kevi pu chükeshüu
ki nunu mha kesuo jütalie lho.
14Kegei pesiekecü ha dzü phakeshü mhie zo,
süla kegeikecü sedeketa mhodzü khawalie.
15Kerüzhümia üse mezhüü,
mu kemiathomia pejoketa,
hanie kenienie rei Jihovae rütseya.
16Mhasi khrüketuo la mhalekemomia dzie nu puoma kikecüpuo batuomu,
puo noule-e süu ba mo zocü la.
17Khriethomia puoe puotei pete nu u khrieya,
mu mha kere kekhoyaketuo la siezedzüriemia lhousierya.
18Pemo puo zanuomia pie pfüshütuoü
puo die phrakeshümia mhale mo zo.
19Kephouma puo neiyakezhamia kegeikecü puo neiya;
themia puo care chü kerükriekezhamia kepeka meshülieya.
20Themia puo nou kerüpfhimia vi kehielieya mo,
mu puo tie keremia kemezhiekecü nu tetsutaya.
21Mhalekemo nuo puo penuokeliemia nousuo ngulieya,
mu nuo mhasi kemo puo sü puo kenei baya mo.
22Thenou mvü kebae daru kevi puo,
derei u dzü kezeie uruko chü pesowaya.
23Kerüzhümiae pekhre theso pielie di kethoca chau bie kerüpfhiwaya.
24Mhacamhala kelemia puo zie kereipie mhasi meholieya,
derei mhasikemomia mhi-e kijü thela nu votaya.
25Nuo mhasikemo-u puo puo bu puo nou kemezhietaya,
mu puo penuokeshüpfü bu puo dzüzeitaya.
26Kemiathomia kemvü chü di u bu siazha kechü vi mo,
therhukepfümia rei pechüpenyükecüe kekrü.
27Puo dieko kethelieyakezhau mhakesimia mu kemenuomiae mhacamhala silieyakezhamia zo.
28Mhasikemomia zorei kemekrie ba ro, puoü mhakesimia ütaya,
mu puotie kethe se bakelie ki, puoü mecie ütatuo.
Currently Selected:
Mhasidie 17: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
