Malaki 3
3
Dieliemia Puo Vorkezhü
1Harie, a dieliemia puo a mhodzü cha kesetuoü ketseshüzhie, mu Niepuu nie puo pfhüyakezhau le mo keba nu puo rüsuoki nu vortuo. Dietseidiekho pie kezhü dielieu, puo gei nie neiyakecüu, ketho zo, puo vorzhie, krodiko Jihovae siya. 2Derei supuonie puo kevor nhie shügeshühielie mu supuonie puo kenguki thalie vituo ga?
Kekreilamonyü puoe chü kemesakecü mi tuoi mu sabou kekuothopfü tuoi zo; 3puoe mhachü kemesakecüu mu rakachü chü kemesakecü puo tuoi balietuo, sidi puoe Levi nuosenuoyieko chü kemesalietuo, tsiu uko chü kemesapie suna mu rakachü tuoilietuo, ukoe kemiatho#3:3 Moro Khakeshü puotoucü pie Jihova ketsü. nunu ruosuo chüpie Jihova ki shülie kemochie. 4Sitse thiedzü teiko mu teicieko tuoi Juda mu Jerusalem ruosuo khakeshükoe Jihova nei chülietuo.
5Sitse a dienya kecüketuo la nie penuo vortuo; a themoumia petsoukecü, pieü kechümia petsoukecü, tijü di rüsekecümia petsoukecü, zhakhrü ze mhachü di mia zhakra peseyakecümia, samimiapfü mu merünuomia, chazoumia mezhü pejücümia, mu a preiya kemomia petsoutuoü mhai vor zhapu khashütuo, krodiko Jihovae siya.
6Kekreilamonyü a Jihova rüdirüliya mo; süla nieko, He-i Jakob nuonuoko, kaüjüta mo. 7Nie puonuoko teiki sie nieko a zhoko therhiete mu süko se balie mote. Rürei a ki vorlie, sitse a rei rürei nieko ki vorlietuo, krodiko Jihovae siya. Derei nie sie, “We kimhie di rürei ta?” siya.
Kepenuopfü Vie Se Hie
8Miapuonie Kepenuopfü vie sesetalie vi me? Sishierei nieko a vie selie bate! Derei nie sie, “Hie kikecüpuo nu n vie seya ga?” siya. Nie ker za khakeshü nu mu mha khakeshü nu! 9Rüse pie nieko rüsewate, kekreilamonyü nieko a vie seyacü la, nie seyie peteko! 10Nie ker-zapuo pete se mha kenguyakezha kiu nu vorlie, sidi a kiu nu kecüca bu balieketuo la, mu sükemhie di a dojücie, krodiko Jihovae siya, sidi nieko a teigei khirkiko khrüshü mu theja rupie nie ketsukeli chüshütuo mo lho shi mehocie, 11a nieko la ku#3:11 Ibri Cülietayakezhau. kerhiewatuo, sitse sükoe kijüu nu nie mhaleiko pekawalie lho; mu nie khubelie bu puo si rüchü moketa chülie lho, krodiko Jihovae siya. 12Sitse seyie pete rei nieko üse thejakepfümia ütuo, kekreilamonyü nie kenei kijü puo chülietuo, krodiko Jihovae siya.
13Niekoe a petsou di die kereko pute, Jihovae siya. Sishierei nie sie, “Hie kikecüpuo nu n petsoukecü die puta ga?” siya. 14Niekoe sie, “Ukepenuopfü lie chükecüe thedo zo. Puo diekhakeshüko ze bakecü morei u nousuo siei di krodiko Jihova mhodzünu kevo kedipuo kemevi ba ga? 15Siro we kerüzhakecümia üse puo nei tuo üya; mha kesuo chüyakezhamia bu kruokelie rübei zo mo, derei Ukepenuopfü mia dojükecü ki rei ukoe talieya,” idi puya.
Kemiathomia Zhakhra
16Sitse Ukepenuopfü rhu tuoyakezhakoe huoniehuo rüchü, sitse Jihova leshü mu rünyüshü, sidi Jihova rhu tuoyakezhako mu puo za le tuoyakezhako la puo kerükra leshüda puo thulie. 17Ukoe a vie chütuo, krodiko Jihovae siya, a mhachükecü zha nhie a vienya a khrietho puo chütuo, miakrünuokoe puo nuonuo u lie chüyakezhako ngumezhieshüyakezha tuoi a uko pekrushütuo. 18Sitse nieko kemiathomia tsiu kerüzhümia si kekreilietuo, Kepenuopfü lie chüyakezhako mu chüya kemoko.
Currently Selected:
Malaki 3: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
