Popular Bible Verses from Malaki 3

Share

Nie ker-zapuo pete se mha kenguyakezha kiu nu vorlie, sidi a kiu nu kecüca bu balieketuo la, mu sükemhie di a dojücie, krodiko Jihovae siya, sidi nieko a teigei khirkiko khrüshü mu theja rupie nie ketsukeli chüshütuo mo lho shi mehocie

a nieko la ku kerhiewatuo, sitse sükoe kijüu nu nie mhaleiko pekawalie lho; mu nie khubelie bu puo si rüchü moketa chülie lho, krodiko Jihovae siya. Sitse seyie pete rei nieko üse thejakepfümia ütuo, kekreilamonyü nie kenei kijü puo chülietuo, krodiko Jihovae siya.

Ukoe a vie chütuo, krodiko Jihovae siya, a mhachükecü zha nhie a vienya a khrietho puo chütuo, miakrünuokoe puo nuonuo u lie chüyakezhako ngumezhieshüyakezha tuoi a uko pekrushütuo. Sitse nieko kemiathomia tsiu kerüzhümia si kekreilietuo, Kepenuopfü lie chüyakezhako mu chüya kemoko.

Harie, a dieliemia puo a mhodzü cha kesetuoü ketseshüzhie, mu Niepuu nie puo pfhüyakezhau le mo keba nu puo rüsuoki nu vortuo. Dietseidiekho pie kezhü dielieu, puo gei nie neiyakecüu, ketho zo, puo vorzhie, krodiko Jihovae siya.