Jona 4
4
Jona Puo Nou meyieketa
1Derei hau la Jona puo nei mota, di puo nou meyieta. 2Puo Jihova ki cha di, “He-i Jihova, A a rüna nu baluokecü nu hau pushü mo me? Haha la a therie nu ta Tarshish nu voketa zo; kekreilamonyü noe mia ngumezhie mu mia khrieyakezha Kepenuopfü puo zo, n nou meyie tho, n zho vithor, tsiu siazha khashütuoü keba nu zorei n nou keditayakecü a si ba. 3Süla tsie, he-i Jihova a geinu a kerheiro setayi, kekreilamonyü a we rhei kebau ki siaketa we vikuote.” 4Sitse Jihova sie, “No n nei mokecü mese üba me?” 5Süsie Jona nadiu nunu tuoprata di vo nadiu niathutsa bata, mu sünunu puo la keyachü puo chülie. Puoe süu khrü nu ba di nadi nu kedipuo chüshütie shi mehotuoü pfhe ba.
6Sitse Jihova Ukepenuopfü ronyho#4:6 Ibri Qiqayon, rücübopfü puo ilie vi. puo bu lhou sier, sidi süu kra Jona mhogei vota, süu bu puo tsü keya chütuoü, mu ba kemezhie keba nunu puo kelashütuo üdi; süla Jonae nhau la puo nei phi ba. 7Derei süsienhie teiso vor ru Ukepenuopfüe zope puo bu vor nhabo-u khrathewa, süla süu rüwita. 8Sidi niakithu par tse, Ukepenuopfü niathutsa teikhrie kele puo keseshü, tsiu niakiu Jona tsü phieshü, süki puo phisiata, sitse puoe puo bu siatanu chata. Puo sie, “A bu rhei kebau ki siaketa we vikuote,” si.
Jona Pejokeshü
9Derei Kepenuopfüe sie Jona ki, “No nhabo-u la n nei moketa mese üme?” Sitse puo sie, “U we, a nei mo pie sia rei nyüta zo.” 10Sitse Jihova sie, “Noe nhabo puo la rei le ba, süu la no mhapuorei chü mo morei süu bu memie sieketuo la mhapuorei chü mo; süu khuzhü puo nu lhou sier, tsiu khuzhü puo nu suote. 11Siliro a Ninevi nadi kezhau, mia lakh puo di nyie mepfü u dzie u zatsa tsiu u vitsa si kekreilie kenjükecü ba, tsiu khunuo kekra keba rükra zhü mo üme?” sita.
Currently Selected:
Jona 4: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More