Jakob 1

Kelukeshü

1Ukepenuopfü mu Niepuu Jisu Khrista kituou#1:1 Gk Diemia. Jakob kinu,

Khapie Cüre tuoketa seyie kerekenieko kelushüya.

Kepele mu Mhasi

2A kezeko,#1:2 Gk Siezedzürieko. dophi neiüko nie gei kephir ki nie la kevi zo ücü lelie, 3mu nie kepele dojükeshü geinu shügeshühiekecü nyi parlieketuo siliecie; 4tsiu shügeshühiekecüu bu nie chüpie vi tseiliecie, sitse nie lope mu tseiütso di mhakehoupuonurei tsopfhü molietuo.

5Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie. 6Sirei pelekhru di chalie, kenoudo moto di, kekreilamonyü kenoudokezhau teikhrie bu hepie lutsahatsa vaketuo dzü rüpfhü mhie zocü la; 7kenoudokecümia bu Niepuu kinu mhapuorei ngulieketuo le hiecie, 8nou keniemia sü mhakehoupuo nu rei puo nou jü balieya mo.

Mhakenyi mu Mhakejü

9Kepelemia mhakejüu zorei puo piesiekeshü la puo mhokuo chülie, 10mu kenyimia zorei puo chü kerünuokewa ki puo neiliecie, kekreilamonyü kenyiu zowe lie nu nhapou kemhie jüta zotuo. 11Niaki puo teinia chü se sier nha phie pesiawaya; sidi puo pouko rürhotaya mu puo ziviko jütaya, süsütuoi mhakenyimia rei u rhiechü di pfhü ketuo nunu ra jütatuo.

Dojükecü mu Medokephi

12Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue#1:12 Gk Puo; leshü kewe huo nu Ukepenuopfü. pie puo khrieyakezhako tsütuo üdi phrapie kezhüu ngulietuo. 13Kehoupuorei dophi sikecü puo gei kephir ki, “Ukepenuopfü a medophiya,” si hie; Kekreilamonyü mha kesuo se Ukepenuopfü kedolie kenjü mu puo thuo zorei miapuorei medophiya mo zo. 14Derei kehoupuorei dophi puo gei phiryakezhau puo menguko bu puo meshülie di puo seketsilieyakezha zo; 15süsie puo menguko nuonipfülie di kephouma penuoshüya, siro kephouma süu phichülie tse kesia penuoshüya. 16A khrieko, mia bu u sewa hiecie.

17Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo. 18Puo thuo puo medo nunu ketho dieu se u chü u rhi parlie, sidi u bu puoe pelhoukeshü pete si kerieu chülie.

Kerünyü mu Chüüzekelie

19A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie; 20nie nouyie geinu Ukepenuopfü miatho-u parlieya mocü la. 21Süla nieko mha mesa kemo pete mu mha kesuo shüüko kha phrewa di nie nou mene di nie ruopfü kelalie kevi die leipie nie nou zhükewau lieliecie.

22Derei kerünyü rübei zo di u thuo u se penya tuoyakezhamia chü hieü, chü mu zeyakezhamia chüliecie. 23Kekreilamonyü kehoupuorei dieu rünyülie, derei chüüzeya kemomia khrüva nunu u thuo#1:23 Gk Puo kepenuo zieu. u khrü nguyakezhamia mhie zo; 24süko u thuo u mehoshü di tuo rüdeiketa sie puo kimhiecü puo shi rükra mo mhaitayakezha mhie zo. 25Derei vi tseikecü zho-u, u shüphrakeshü zho-u, meho sei balieyakecümia, rünyüshü di rükra mo latakecüu monyü chüüzelieya, süko u mhatho nu rei thejapfütuo.

26Miapuonie puo thuo puo üse nanyü nu pecü üya, mu puo tie kekhalieya kemosie puo thuo puo nou se penya seketuo zo, mu puo nanyü rei kemethuo zo. 27Ukepenuopfü u Puou mhodzüki nanyü kemesa mu rhu mo bakelieu sü hau: Merünuomia siro samipfüko mezhie nu uko rükra mu khruohikelie tsiu kijüu bu puo perhuwa mo di balieyakezhamia zo.

Currently Selected:

Jakob 1: ANBRBSI

Highlight

Copy