Popular Bible Verses from Jakob 1

Share

A kezeko, dophi neiüko nie gei kephir ki nie la kevi zo ücü lelie, mu nie kepele dojükeshü geinu shügeshühiekecü nyi parlieketuo siliecie

Nie kehoupuorei mhasi jü ro, puo bu mephruomevuoi mu panya mo zo di pie mia tsüyakezhau Ukepenuopfü ki chaliecie.

A khrieko nieko hau siliecie. Themia kehoupuo bu rei rünyü rhürhülie, die pu mhamha hie, u nou meyie mhaita hiecie

tsiu shügeshühiekecüu bu nie chüpie vi tseiliecie, sitse nie lope mu tseiütso di mhakehoupuonurei tsopfhü molietuo.

Derei kerünyü rübei zo di u thuo u se penya tuoyakezhamia chü hieü, chü mu zeyakezhamia chüliecie.

Dophi nu rei shügeshühie thalieyakezhamia thejakepfütho. Sikecümia u kedokecü nu thakelie la kerhei tsüre Niepuue pie puo khrieyakezhako tsütuo üdi phrapie kezhüu ngulietuo.

Mephruomevuoi di khakeshü, mu vi tseikecü mhaphruoko pesogei kezieko Puou kinu ker phreya, puo zowe u khrü kemhiei rüdirüliya mo.

Kekreilamonyü kehoupuorei dieu rünyülie, derei chüüzeya kemomia khrüva nunu u thuo u khrü nguyakezhamia mhie zo; süko u thuo u mehoshü di tuo rüdeiketa sie puo kimhiecü puo shi rükra mo mhaitayakezha mhie zo.

Ukepenuopfü u Puou mhodzüki nanyü kemesa mu rhu mo bakelieu sü hau: Merünuomia siro samipfüko mezhie nu uko rükra mu khruohikelie tsiu kijüu bu puo perhuwa mo di balieyakezhamia zo.

Kehoupuorei dophi sikecü puo gei kephir ki, “Ukepenuopfü a medophiya,” si hie; Kekreilamonyü mha kesuo se Ukepenuopfü kedolie kenjü mu puo thuo zorei miapuorei medophiya mo zo. Derei kehoupuorei dophi puo gei phiryakezhau puo menguko bu puo meshülie di puo seketsilieyakezha zo

Kepelemia mhakejüu zorei puo piesiekeshü la puo mhokuo chülie