Keriekitho 40

Kediemia Kenie Mho

1Siro mha hako sie, Ijipt kediu hiekepieu mu puo niekhrüda kerieu unie unie niepuu nei kemo chüwa. 2Süla Faroe puo lietho kezha hanie, puo hiekepie kezhau mu niekhrüda kerie kezhau unie gei puo nou meyieta. 3Sidi unie khapie kedieko kepfhekezhau dzie nu keba kiu nu, Josef keba kediekiu nu shüwa. 4Siro kedieko kepfhekezhau Josef bu unie meholienushü ru puo unie pfhe bata; sidi uko dopuo kedieki nu bata. 5Khuzhü puo Ijipt nu kediu hiekepieu mu puo niekhrüda kerieu kedieki nu keba ki, unie mho pema phre mu unie mho kepemau puoca nyi phre. 6Siro khise Josef unie ki vor ru unie thesuo siei keba ngulie. 7Sitse puo sie Faro lietho kezhanie kedieki nu puo ze puo niepuu ki kebanie ki, “Kiüdi thie nnie thesuo siei bata ga?” 8Sitse unie sie puo ki, “Hienie mho si phre, mu miapuorei süko ca pukeshü jüte.” Sitse Josef unie ki, “Mhaca vatshalieyakezha sü Ukepenuopfü vie mo me? Nnie pezie rei süko se a ki pushücie.”

9Süla tehiekepie kezhau puo mho pie Josef ki pu di sie, “A mho geinu khubebo puo pema mu khubebo süu geinu puoco se ba. 10Mu khubebo we par mumetha süko pou rülha parta mu süu phroko geinu khubesi me parlie. 11Mu Faro hieu a dzie nu ba ru a khubesiko bielie di thepie Faro hie nu shülie, sidi tehieu khapie Faro dzie nu shü.” 12Sitse Josef-e sie puo ki, “Süu ca hauwe; puoco sekoe zha se, 13mu zha se donu Faro n phou la sieshütuo, mu n khapie n mhatho nu lashütuo, mu no hadzü mhiei di Faro hiekepieu chütatuo. 14Siro no n gei mha puotou vokelie sie a rükra lashücie, n pezie rei a gei tseiüvishü mu Faro ki a dze pushü di thechü hanunu a ze parshücie. 15Kekreilamonyü Ibrimia kijü nunu a rügulieta ketho zo; mu hanu zorei a khapie kedieki nu shü kezhü mhatho puorei a chüwa mo zo.”

16Siro niekhrüda kerie kezhau rei puoca kelakeshüko u neikecü ngulie tse, puo sie Josef ki, “A rei a mho si; niekhrüda rha se a tsü gei tuo, 17siro merha pesotho-u nu Faro la niekhrüda kerie neiüko tuo; derei perakoe a tsü gei ketuo merhako nunu süko cü tuolie.” 18Sitse Josef sie, “Puoca hauwe; merha sekoe zha se; 19hasie zha se donu Faro n geinu n tsüu phouse sietatuo, sidi sei geinu n gouwatuo; mu perako n chü cütuo.”

20Süsie zha se nhie Faro kepenuo zha, süla puo thehe puo chüpie puo liethoko pete tsü, mu puo liethoko pete donu puo hiekepie kezhau mu puo niekhrüda kerie kezhau unie tsü phou sesiershü. 21Sidi puo puo hiekepie kezhau kha lapie puo bu tehiekepie chü lata; mu puo tehie khapie Faro dzie nu shü; 22derei puo niekhrüda kerie kezhau gouwa; Josef puoca pushü unie kiekeshü tuoi di. 23Sirei tehiekepie kezhau Josef lekecüu monyü puo rükra mota.

Currently Selected:

Keriekitho 40: ANBRBSI

Highlight

Copy