Ezekiel 2
2
Leshütshü Ziemho-u
1Puoe sie a ki: He-i themiau,#2:1 Moro themia nuou; Ibri Ben adam (leshüda hau nu Ezekiel üse themia nuou üdi kie). n phi gei thaliecie, sitse a n ki die pushütuo. 2Sidi puo a ki die pushü tse, ruopfü puo a nou leta, sidi a chüpie a bu thalieta, mu puo a ki die puketa a silie. 3Puo a ki, Themiau, a n ketsepie Israelmiako, sier a perhieketa mia perhie tuoyakezha seyie puo#2:3 Syr: Ibri Seyieko ki. ki shüzhie ho; uko mu uko puonuoko thie ketso rei a gei joümou tuo zo. 4Ukoe kemiakokecü tsiu u nou kere seyie zo. A n ketsepie uko ki shüzhie; mu no uko ki, “Niepuu Jihovae puya,” ishülie. 5Uko thuo rünyü rei rünyü morei (kekreilamonyü ukoe mia perhie tuoyakezha kiu zo), ukoe uko donu siedzekesimia puo keba silietuo. 6Tsiu no, he-i themiau, uko prei hiecie, siro uko dieko rei prei hiecie, kikhahu mu zohu thuo n zekecü chü zo shierei tsiu no seba donu keba chü zo shierei, uko dieko prei hie morei uko kenguu la n ziejüta hie, ukoe mia perhie tuoyakezha kiu zo. 7No uko ki a dieko pushütuo; uko thuo rünyü rei rünyü mo shierei, ukoe mia perhie tuoyakezha kiu zo.
8Derei no we, themiau, a n ki kedipuo puya shiü rünyüliecie; mia perhieyakezha kiu tuoi di mia perhie hiecie; n me mekuoshülie di a pie n ketsüu cüliecie. 9A mehoshü ru thedzie puo petopie a kitsa shü, mu sünu leshütshü puo tuo. 10Puoe süu a mhodzünu kelhashü; mu süu puo mho shierei tsiu puo sietsa rei thu, siro sünu thekrü mu kekra tsiu kemezhieketuo dze thupie tuo.
Currently Selected:
Ezekiel 2: ANBRBSI
Highlight
Share
Copy
Want to have your highlights saved across all your devices? Sign up or sign in
The Bible Society of India
© 2023, Used by permission. All rights reserved. More
