Mhakechüko 3

Phiyhomia Puo Chü Pevikeshü

1Khunhie puo Pitor mu Johan unie thehesie keba se ki, kecha teiu nu rüsuoki nu vozhü. 2Sitse penuolie tse nu rünyiecü puo pie vor. Puo bu rüsuoki nu kevor kheko ki mha chatuo üdi mia teisonhie puo pie vo Care Keziviu ükezha rüsuoki careu nu baya. 3Puoe Pitor mu Johan unie rüsuoki nu letuo ükezhü ngu di unie ki mha cha. 4Sitse Johan tuoi Pitor rei puo mehoterü di, “Hienie meholie,” sishü. 5Sitse puo unie ki mha huo ngulieketuo merü di unie meho bata. 6Derei Pitor sie, “A raka morei suna se tuo mo, derei a seketuou pie n tsütuo, Nazaret#3:6 Gk nu Nazor-u. Jisu Khrista za nu sie chatuoliecie!” 7Sidi puo themiau dzie thezatsa teshülie di puo teshü piesieshü; ru vapuonu themiau phinie mu puo phico kere metei parta. 8Sitse puo karüi sie thalie di chatuo tuota, sidi puo chatuo mu rülhou tuota, tsiu Ukepenuopfü tshe di unie ze rüsuokiu nu leta. 9Themiako pete puo chatuo ketuo tsiu Ukepenuopfü tshe ketuo ngu, 10mu uko puo rüsuoki Care Keziviu nu khruo cü bayakezhau ücü silie di uko puo geinu mhachüketau la u ngo phita.

Rüsuoki nu Pitor Mia Kepetha

11Themiau Pitor mu Johan unie ze tuota, siro themiako u ngo phi di keze ta Solomon kifükhro ükezhau nu uko ki vorta. 12Pitor süu ngu tse sie uko ki, “Nie Israelko#3:12 Gk Themiako, Israelmiako., kiüdi hau la nie ngo, morei kiüdi nie hie mehoterü mu hie kevikekuo üse themia hau chüpie puo bu chatuolie ücü leya ga? 13Abraham, Isak mu Jakob-nuoko Kepenuopfü, morei u puonuoko Kepenuopfüu thuo zayie kechü kekuo pie puo kituou#3:13 Moro nuou., Jisu gei shüshü, nieko puo khapie mia dzie nu shüwa, Pilat zowe, puo khashüwa nyü sie zo ürei nieko Pilat mhodzünu puo meliewa. 14Sirei nieko Kemesau mu Kemiatho-u meliewa di mia kedukhrimia puo pie nie tsünu cha, 15sidi nieko kerhei khakeshüu dukhriwa, sirei Ukepenuopfüe kesia nunu puo chü perheiliete. Hie süu zhapuko zo. 16Tsiu puo za pelekelie la puo za süu thuo nieko si mu ngu ketha themia hau chü pekuokelie zo. Siro Jisu geinu kepar kepeleu thuo nie pete mhodzünu themia hau chü keshürho lotsokelie zo.

17“Mu siro, kezeko, a sikecü nie rei mu nieko mhokezhako rei sitso mo di süu chüwa. 18Hai di Ukepenuopfüe Khrista bu kemezhieketuo dzeko siedzekesikoe pete pedzüperie pukeshüko chü tseilie. 19Süla thenoukedilie di rürei Ukepenuopfü ki vorlie, silie liro nie kephoumako vawatuo, 20mu Niepuu kinu thenou vakepemvü teiu vorlietuo, sidi nie la kedapie keba Khrista, süu Jisu ketse nie kishütuo, 21puo mha peteko chü kesa la morokesuo teiu vor kemochie teigei ba morosuo. Ukepenuopfü thiedzütho puo kemesa siedzekesiko tie nunu pushüwate. 22Mosae pukecü, ‘Niepuu nie Kepenuopfü thuo siedzekesi a tuoicü puo bu nie themiako#3:22 Gk Siezedzürieko. donunu siertuo. Puo mhakehoupuo nie ki pu rei rünyü morosuo. 23Kehoupuorei siedzekesi süu die ze kemo-u themiako donunu puo phe kemesawatuo.’ 24Siro Samuel yawinu puo sie lhou kevor siedzekesimia pete mha kepu khe nu teisozha hako vortuo üdi pu zo. 25Nieko siedzekesiko nuosenuoyieko mu Ukepenuopfü nie puonuoko ze dietseidiekho chükeliemia nuoyieko zo, sidi puoe Abraham ki, ‘Siro n nuosenuoyieko geinu kijü nu seyie pete bu thejapfütuo,’ sishü. 26Ukepenuopfü puo kituou#3:26 Moro nuou. sesier di ketse riepie nieko ki shü, nie kehoupuo bu rei mha kesuo kechüu nunu rüreilie di theja ngulieketuo la,” sita.

Currently Selected:

Mhakechüko 3: ANBRBSI

Highlight

Copy