vēstule romīšim 16
16
XVI.
1Es jums īteicu myusu mōsu Febu, kas kolpoj Kanchrejas bazneicā. 2Pījemit jū ikš Kunga, ķai svātajim pīdar un jai vysur paleidzit, kur jai jyusu paleigs byus vajadzeigs; jei daudzejim, — arī man pošam ir paleidzējuse.
3Sveicynojit Prisku un Akvili, munus leidzstrōdnīkus ikš Jezus Kristus. 4kuri munas dzeiveibas dēļ lyka sovu golvu. Par tū jim na tik vin es asmu pateiceibu porōdā, bet arī vysas pogōnu draudzes. 5Sveicynojit draudzi jūs mōjōs. Sveicynojit munu nūmīļōtū Epenetu; jys nu Azijas pi Kristus ir nōcis kai pyrmais. 6Sveicynojit Mariju, kas par jums daudzi ir ryupējusēs. 7Sveicynojit Androniku un Juniju; tī ir muni tautīši nu cītuma leidzbīdri. Apostoli jūs augsti vērtej; jī jau pyrms manis beja kristticeigi. 8Sveicynojit munu īkš Kunga nūmīļōtū Ampliatu. 9Sveicynojit munul eidzstrōdnīku ikš Kristus Urbanu un munu nūmīļōtū Stachiju. 10Sveicynojit ikš Kristus uzticeigū Apellu. Sveicynojit tūs (kristticeigūs), kas ir nu Aristobuļa. 11Sveicynojit munu tautīti Herodionu. Sveicynojit tūs, kas ir ikš Kunga nu Narcissa. 12Sveicynojit Trifenu un Trifozu, kas strōdoj ikš Kunga. Sveicynojit nūmīļōtū Persidu, kas jau daudz ir strōdōjuse ikš Kunga. 13Sveicynojit izlaseitū iks Kunga Rufu un jō mōti, kas arī man ir kai mōte. 14Sveicynojit Asinkritu, Flegonu, Hermeju, Patrobu, Hermaju un cytus brōļus, kas ir pi jums. 15Sveicynojit Filologu un Juliju, Nereju un jō mōsu, Olimpiju un vysus svātūs, kas pi jim ir. 16Sveicynojit vīns ūtru ar svātu skupstu, Jyusus sveicynoj vysas Kristus draudzes.#16:16 svātu skupstu kai teiras un navyltōtas mīlesteibas zeimi.
17Brōli, es jyusus lyudzu, uzmonit tūs, kuri ceļ īļaunōšonu un škeļšonūs pret tū mōceibu, kuru jyus pisovynōjot. Sorgojitēs nu jim. 18Taidi ļaudis Kristum myusu Kungam nakolpoj, bet gon sovam vādaram. Ar glaimojūšom un skaistom runom jī maldynoj vintīseigūs sirdis. 19Jyusu paklauseiba ir vysur zynoma un tōpēc es par jums prīcojūs. Es grybu, ka jyus byutu apkēreigi lobā un vintīseigi ļaunā. 20Mīra Dīvs dreizumā zam jyusu kōjom satrīks satanu. Ar jums lai ir myusu Kunga Jezus Kristus žēlesteiba!
21Jyusus sveicynoj muns leidzstrōdnīks Timotejs un muni ciļtsbrōli Lucijs, Jazons un Sosipatrs. 22Un es šōs vēstules saraksteitōjs Tercijs sveicynoju jyusus ikš Kunga. 23Jyusus sveicynoj Gajus, muns un vysas draudzes vīsis. 24Jyusus sveicynoj piļsātas monta pōrzinis Erasts un jō brōļs Kvarts.
(Myusu Kunga Jezus Kristus žēlesteiba lai ir ar jums vysim! Amen).
25Bet Tam, kas ir spēceigs jyusus styprynōt munā Evangelijā — mōceibā par Jezu Kristu un nūslāpuma atklōšonā, kurs nu myuža laikim tyka turāts slāpumā,#16:25 munā Evangelijā — Jezus Kristus mōceibā, kuru es sludynoju. 26bet tagad atklōts un caur pravīšu rokstim uz myužeigō Dīva pavēles ir pasludynōts vysom tautom atsagrīsšonai uz ticeibu,
27Tam vīneigi gudrajam Dīvam lai ir caur Jezu Kristu (gūds un) slave myužeigi myužam. Amen.
Currently Selected:
vēstule romīšim 16: LGT
Highlight
Share
Copy
Want to have your highlights saved across all your devices? Sign up or sign in
Aloizius Broks: Svātī roksti. Jezus Kristus Evangelijs und Apostolu Darbi 1933, Apostols vystules i apokalypsis 1937.
