I vēstule korintīšim 5
5
V.
Grāki nav saudzejami.
1Pi jums vyspōr dzērdīs par bezkauneibu un par taidu bezkauneibu, kas ni storp pogōnim nav sastūpama, ka vīns pat ar sova tāva sīvu dzeivojūt.#5:1 tāva sīvu — pamōti. 2Un te jyus, vītā skumēs grimt, veļ dīžojatēs. Taids, kas tū dareja, nu jyusu vyda lai teik izslāgts. 3Lai gon ar mīsu es nu jums asmu tōli, gorā, tūmār, asmu storp jums un kai pats klōtu byudams tū ļaundari nūtīsoju:#5:3 nūtīsoju — izslādzu nu draudzes, ekskomunikeju. Sv. Pōvuls tū dora pats, draudzei līk tikai izpiļdeit. 4Koleidz jyus Kunga Jezus (Kristus) vōrdā ar mani gorā asot sasalasejuši kūpā, tū cylvāku uz myusu Kunga Jezus Kristus pylnvaras pamata 5nūdūdit satanam mīsas iznycynōšonai, lai Kunga Jezus (Kristus) dīnā byutu izglōbta jō dvēsele.
6Jyusu pašlapnums ir navītā. Vai tad jyus nazynat, ka nadaudz rauga saraudzej vysu ījovu?#5:6 nadaudz rauga — Vīns pats grēcinīks, jo nu cytim nav nūrūbežōts, ar sovu ļaunu dzeivi var īvest grākā vysus cytus draudzes lūcekļus. 7Metit nūst vacū raugu, lai jyus byutu jauns ījovs. Jyus asot naraudzāti, jo Kristus, myusu Lēldines jārs ir nūkauts. 8Tai tad, na ar vacū raugu mums jōsvīn, na ar dusmeibas un ļaunuma raugu, bet gon ar skaidreibas un patīseiguma naraudzātū maizi.#5:8 ar vacū raugu — grēceigū dzeivi.#5:8 naraudzātu maizi — eistu, navyltōtu, tykumeigu dzeivi.
9Tamā vēstulē es jums raksteju: Ar bezkauneigajim nikaidu sakaru napaturit! 10Na ar šō pasauļa bezkauneigajim, vai montkōreigajim, vai zaglim, vai elku kolpim vyspōri, — cytaiž jums byutu jōīt prūjom nu šō pasauļa, — 11bet gon, kai es jums raksteju: Napaturit nikaidu sakaru ar taidu, kas sevi sauc par brōli, bet ir bezkauneigs, vai mōns, vai dīvaklu kolps, vai Dīva saimōtōjs, vai dzārōjs, vai laupeitōjs; ar taidu jyus nadreikstat kūpā pat ēst. 12Un kas tad man par daļu ōrpusē asūšūs tīsōt? Bet vai jyus natīsojit tūs, kas ir ar mums?#5:12 ōrpusē asūšūs — ōrpusē ir tī, kas napīdar pi Kristus bazneicas.#5:12 kas īkšā ir — kas pīdar pi Kristus bazneicas. 13Dīvs tīsōs tūs, kas ir ōrpusē. Un ļaundari nu sova vyda jyus metit ōrā.
Currently Selected:
I vēstule korintīšim 5: LGT
Highlight
Share
Copy
Want to have your highlights saved across all your devices? Sign up or sign in
Aloizius Broks: Svātī roksti. Jezus Kristus Evangelijs und Apostolu Darbi 1933, Apostols vystules i apokalypsis 1937.
