Roiatatokenti Mark 13
13
Asenhaton iaȣenre teioteriȣasonterakȣen tsini hoiaton Roiatatokenti Mark.
1NONEN sishoiakenhonhatie ne Iesos, saiatat ne raotiokȣa, Sahenron: Saianer! Skaenhion tsiniio ianere tsi tekanenhiasere oni tsini kanonsiio!
2Iesos tontahoȣennaȣeron, Sahenron: teskanere ȣahi kenh nonȣa kehiken nikanonsa? iah oni nenskat tataonsakanenhiaserake niah takarision.
3Nok nonen Olivier onontoharako siiehatiteron, teiotokenton tsi tkanonsote nononsatokenti, Tier, Sak. San tanon Antre ȣahonȣariȣanontonse ȣahonniron:
4Takȣarori katke eh niienhiaȣenne, oh oni nahoten enhiakȣaienterestakȣe nonen eh nenhiaȣensere?
5Ethone are ne Iesos, tontahenron: Seȣatateni-konrarak tosa onka aietsinikonrasenni.
6Aseken ronentiokoȣanen nentionksennenhaȣi, enhontonne: II ne Keristos, nok kentiokoȣanen ensa-kotinikonrakarhatho.
7Tosa seȣateronn nonen enseȣariȣaronke. Ȣaterim, ionteriiosere, aseken iatekakonte neneh eh nenhia-ȣenne, nok iah ki neh teken ne tsi iotokte.
8Aseken ok neneh teiontonȣontsianekhanion ten-hiakoriȣarheseron, tenhiaonȣentsishonkȣanion, enh-iontonkariakhon, tenhinkoriȣarheseron; akȣa neok neneh nenkontihente naiakonikonranonȣake.
9Seȣatatenikonrarak kati nise: aseken enhietsiiena enhietsiiatenhaȣison oni tsi teieiatoretakȣa, oni isi ionterennaientakȣa, enhietsisokȣaȣessonnion; ienhietsiiateȣe oni rahotihenton ne Ratikorasson oni Rotinontiiosson nii akerihonniat, neok oni nahontka-thote.
10Kenh tanon kaien ne Kariȣiio, iatekakonte tsi akȣekon nonkȣe enhiontataronkaten.
11Nok nonen ionkaeȣe, onhietsiiena, oni enhietsi-iasarineson, tosa teseȣatatenikonrharen ne tahonenne ahonteseȣaterientisake tsi nahoten enseȣenron, etho ok nikon taseȣatati tsinikon enhtsiseȣanikonrata ne Ronikonriioston neh nonȣe nenkahaȣi; iah se ise taeseȣatati nethone Ronikonriioston se enhatati.
12Ienkaheȣe iatatekenha enhoriȣente kenheiatne, Roienha oni enhoriȣente ratiksaokonha ensakotiri-ȣente ne ronȣatiienha.
13Nok enhiotsisȣenseron nonkȣeokon nii akeriȣa-ke; nok ki tanon onka iatenrokten neh tohiken en-haniakenne tsi niienhense.
14Neh kati nonen enseȣatkatto Kariȣaiesasera iakokaronniatta eh naioton tsiniiot tsi rotrori ne Rotokensehakȣe Daniel eh nonȣe nakakȣatakȣen tsinon-ȣe iah teionakte (ratennikonraren onka roȣennanotta ne kenh Rotokense); ethone ne Judé nonȣe niiena-kere Onontoharako enhiontekȣassen.
15Tosa tethastnent no kanonsake iehahrates nia-onsahako othenon akenhake ne kanonskon,
16Oni no kaehtakon iehres tosa Sahket naonsahakoha raotseronniat.
17Ne tanon iotitentasere noianenkontiiatoten oni nonkonststaronthake neh nonȣe niȣenniseratenion.
18Hetsiseȣaneken no Niio aiaȣens tosa koserake akenhake nonen ienseȣaiatheȣe naesoȣateko.
19Aseken tsini kententetseroȣanen ȣenniserontakȣen nehnonȣe nenkaȣi, areko nonȣenton eh tetiaȣen-hon tsinahe tiotonȣentsiatasaȣe, iah oni nonȣenton nonakenke etho tataonsontenonhianite.
20Sekon oni no iah tahaȣenniserokeri ne Roianer neh niȣenniserotens iah onka taioniakenhon; nok ki tanon nonȣa neneh Sakoiatarakȣen Ahorionniat tsi taȣenniserokeri.
21Ethone oni enhiesarori nenhiaihron; Kentho renteron ne Keristos; ok ne ens kentho itres; tosa tasetak.
22Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion na-tahatiierekenha asakotinikonrakarhatto ne iakohia-nere.
23Seȣanikonrarak kati; onense ȣahi tahonenne oriȣakȣekon kȣarori.
24Nonen enȣatennisorohestste, enȣaterakȣaton, oni nasonrekha.
25Entkatsistokȣaniserenne ne karonhiake, nok tenȣatkarenron naosastensera tsi karonhiate.
26Ethone enhonȣaken nonkȣe Roienha otsikera-keson natentre, enthosastenseroȣanenhatie enthoia-tanerakȣatonhatie oni.
27Entesakotori ne raoronhiakeronon okon ensesa-kotiiataroroke ne raonkȣeta onȣentsiakȣekon teiako-renion.
28Kenh kaien Seȣakaenhion, tsionionȣarontonhake tekariȣakentonkȣen, nonen enkaskȣeionten oni en-karanaȣen, ok naha seȣatons ohnen toha taiokonn-honti.
29Neh kati oni nise enseȣaienteristakȣe nonen enseȣatkatoseron eh oni nenhiaȣenseron kehiken, seȣerhek onen akta iȣe, onen oni onȣe.
30Oriȣiio tsi kȣarori, tsi iah teȣatoheststane ne kenh kaȣatsirate ohenton neh naiaȣenne.
31Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiaontohestste.
32Kenh kaien kah nonȣe teȣenniserate, oni tsi-nenhioȣistahe iah onka teioterientare, iah oni nʼEron-hiakeronon, sekon oni iah ne Roienha, Akȣaki raon-hatsiȣaok ne Rakoniha.
33Seȣatatenikonrarak kati seȣatieȣaton Seȣateron-naien oni aseken iah teseȣaterientare katke niienka-heȣe.
34Eli naseȣaier tsiniiot ne roiikȣe ratentionhe, ȣasakorionten ne raonnhatseraokon nahatinikonrarake tsini hoien, akȣekon niiasakotenienthase, nok saiatat Sahoken kariake nasakonikonrarake.
35Seȣarharek kati, iah se ȣahi teseȣatorientare katke natentro ne ranonsakȣeniio; toka okarasneha, toka asonthen, toka tsini tkontatis ne kitkit, ok ne ens orhonkene;
36Tosa onȣar ok akȣa aesentaseke ahonsaraȣo.
37Tsinikon kȣaroris akȣekon sateseȣariȣake: Soȣarharek.
Currently Selected:
Roiatatokenti Mark 13: MOH1880
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1880.
