Popular Bible Verses from Roiatatokenti Mark 13

Share

Nok enhiotsisȣenseron nonkȣeokon nii akeriȣa-ke; nok ki tanon onka iatenrokten neh tohiken en-haniakenne tsi niienhense.

Seȣatatenikonrarak kati seȣatieȣaton Seȣateron-naien oni aseken iah teseȣaterientare katke niienka-heȣe.

Nok nonen ionkaeȣe, onhietsiiena, oni enhietsi-iasarineson, tosa teseȣatatenikonrharen ne tahonenne ahonteseȣaterientisake tsi nahoten enseȣenron, etho ok nikon taseȣatati tsinikon enhtsiseȣanikonrata ne Ronikonriioston neh nonȣe nenkahaȣi; iah se ise taeseȣatati nethone Ronikonriioston se enhatati.

Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiaontohestste.

Kenh kaien kah nonȣe teȣenniserate, oni tsi-nenhioȣistahe iah onka teioterientare, iah oni nʼEron-hiakeronon, sekon oni iah ne Roienha, Akȣaki raon-hatsiȣaok ne Rakoniha.

Tosa seȣateronn nonen enseȣariȣaronke. Ȣaterim, ionteriiosere, aseken iatekakonte neneh eh nenhia-ȣenne, nok iah ki neh teken ne tsi iotokte.

Seȣarharek kati, iah se ȣahi teseȣatorientare katke natentro ne ranonsakȣeniio; toka okarasneha, toka asonthen, toka tsini tkontatis ne kitkit, ok ne ens orhonkene; Tosa onȣar ok akȣa aesentaseke ahonsaraȣo. Tsinikon kȣaroris akȣekon sateseȣariȣake: Soȣarharek.

Aseken ok neneh teiontonȣontsianekhanion ten-hiakoriȣarheseron, tenhiaonȣentsishonkȣanion, enh-iontonkariakhon, tenhinkoriȣarheseron; akȣa neok neneh nenkontihente naiakonikonranonȣake.

Kenh tanon kaien ne Kariȣiio, iatekakonte tsi akȣekon nonkȣe enhiontataronkaten.

Aseken ronentiokoȣanen nentionksennenhaȣi, enhontonne: II ne Keristos, nok kentiokoȣanen ensa-kotinikonrakarhatho.

Seȣatatenikonrarak kati nise: aseken enhietsiiena enhietsiiatenhaȣison oni tsi teieiatoretakȣa, oni isi ionterennaientakȣa, enhietsisokȣaȣessonnion; ienhietsiiateȣe oni rahotihenton ne Ratikorasson oni Rotinontiiosson nii akerihonniat, neok oni nahontka-thote.

Aseken enhontiatontakȣe ne Keristos oni Rotitokense, ioriȣanerakȣatenion tsinenhatiieranion na-tahatiierekenha asakotinikonrakarhatto ne iakohia-nere.

Nonen enȣatennisorohestste, enȣaterakȣaton, oni nasonrekha. Entkatsistokȣaniserenne ne karonhiake, nok tenȣatkarenron naosastensera tsi karonhiate.