Numeros 6
6
O zakono katar e nasareos
1O Del dia orba e Moiea ta phenda leke:
2Phen e israelenge gala alava: De si iek murus o iek diskinia kai den po alav te aven nasareo te sai santifikin pe e Devleke, 3nasti ka piel mol ni rachia ni ka piel mol cherki ta nisavi mol cherdi katar e drakha ta nasti ka jal drakha resle ni suke.#Lk 1.15. 4Sa o vreme kai ka aven nasareo morabi te na jal niso katar e drakha, sogo te avela. 5Ta nasti ka chinel pe bal, ka mukel te barion leke bal lligo ni nakhela o vreme kai vou dia po alav, soke morabi te avel santifikado e Devleke. 6Ta ande sa gua vreme nasti ka avel pase pasa manus mulo, 7Ni te merela leko dad, o leki dei o varesavo phlal o phiorri, soke vou morabi te achel santifikado e Devleke. 8Sa o vreme katar po nasareo ka avel santo e Devleke.
9A vareko te merela pasa le ta gia te achela leke bal pokalime, morabi te jaliavel po soro pala e efta llive, sar te phene o llive katar leko jaladipe. 10O llive inia ka inllarel o popo dui tortole o dui gulubura kotar katar delpe ande chara kai chidiniaon. 11O popo ka del iek lendar kurbano pala o bilachipe ta o gua ka phabardol, gia gua llive o popo ka lel o prostipe gole lleneke kai cherda o bilachipe kai dodisarda gole mule. Gua llive pale ka santifikil pe bal e Devleke, 12ta gia ka avel iek nevo vreme te santifikilpe e Devleke. Ogola llivesa kai nakhle ni ka llindon pe leke, soke leke bal kai saitifikisardaia achilea pokalime. Ta i morabi te inllarel e Devleke iek bakro iekhe burseko kurbano pala o bilachipe.
13Kana ka nakhel o vreme kai voi dia po alav te santifikilpe, o nasareo morabi te llal kotar katar delpe ende chara kai chidiniaon 14ta te del e Devle iek bakro iekhe burseko te na avel nasualo kurbano pala o bilachipe, ta iek busno te na avel nasualo kurbano pala e pas, 15ta iek kotaricha marrne kai ande lende inai levadura ta kai si cherde e zeitinoia, ta marrnorre kai ande lende inai levadura makhle ando zeitino, ta pe ofrende katar e septelie ta e mol. 16O popo ka sikavel angla o Del o kurbano pala o bilachipe ta o kurbano kai phabardol,#Lv 1.3. 17ta ka sikavel o busno kurbano pala e pas, ta e kotaricha e marrnengi kai ande lende inai levadura, ta ka del e ofrenda katar e septelie ta e mol.#Lv 3.1. 18O nazareo ka jaliavel po soro kotar katar delpe ande chara kai chidiniaon, ta ka lel e bal kai santifikisardia ta ka chudel len ande iag kai phabol telal katar o kurbano pala e pas. 19O popo ka lel o pasuaro katar o busno, kai si peki, iek marrno kai ande lete inai levadura katar e kotaricha ta iek marrnorro kai ande lete inai levadura, ta ka thovel sa gala ezgode ande va katar o nazareo, mapalal kana vou jaliarda po soro. 20Mapalal o popo ka miskol sa gala ezgode angla o Del. O brek katar e zivirinia kai cherdol pe gava zakono kai sikadol e pasuaro putardo, ta sa gala ezgode ka aven iek ofrenda santa e popoke. Mapalal katar gala ezgode o nazareo sai ka piel mol.
21Gava si o zakono katar o manus kai mangel santifikilpe e Devleke nazareo, ta gala si e ofrende kai vou morabi te del bi te llindol so si ande leko va te del. Morabi te cherel so phenda kana dia po alav, gia sar si o zakono gale ezgodenge.#Ech 21.23-24.
O blagosipe e poponengo
22O Del dia orba e Moisesea ta phenda leke:
23Phen e Aaronoke ta leke chaurrenge kai kana ka blagosin e israelen te cheren le gia:
24O Del te blagosil tut ta te arakhel tut,
25O Del te dikhel pe tute zao
ta te sikavel chuke po volipe,
26O Del te dikhel pe tute volimaia
ta te del tut e pas.
27Gia von ka phenen mo anav upral pe israelitura ta me ka blagosiv len.
Currently Selected:
Numeros 6: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
