Numeros 5

Sa e manusen kai si pokalime draden len katar o pero

1O Del dia orba e Moisesea ta phenda leke:

2Phen e israelenge te ikanen avri katar o pero sa e manusen kai si lenge lepra, o kai mutarenpe phum, o kai achile pokalime soke dodisarde iekhe mule. 3Te ikanen len avri i te avena murusa o diskinie. Gia ni ka achel pokalime o pero, kote kai me ziviu maskar tumende.

4E israeletura kandie so o Del phendaia e Moiseseke ta ikande avri katar o pero gole manusen.

Aver zakono

5O Del dia orba e Moisesea ta phpenda leke:

6Phen e israelenge gala alava: Kana iek murus o iek diskinia inai chache e Devlea ta dukhavena iekhe manuse, gua si iek bilachipe 7ta morabi te phenel le ta morabi te del e manuse kai dukhada prema e duk kai cherda leke ta i o phanchto upral. 8A gole llenene kai cherda gua bilachipe te mulo ta i naile ni iek familia te pochinel leke, ka pochinen e Devleke ande va e popoke, ta i o buzno kurbano pala o bilachipe kai cherda.#Lv 6.1-7.

9Suako ofrenda kai anena e israelitura e Devleke ka avel e popoke. 10Ta suako ezgoda kai santifikilpe e devleke ta kai andol kai o popo, ka avel e popoke.

O zakono kana iek rrom phenel kai leki rromi korvisaili

11O Del dia orba e Moisesea ta phenda leke:

12Phen e israelenge Gala alava: sai avelpe kai iek diskinia sai kojal pe rrome avere llenea 13ta sai amisaili avere llenea a lako rrom ni llanel, ta sai cherda le pochorial ta inai niko kai dikhla la, 14Te avela gia lako rrom sai mislilpe kai leki rromi kurvisaili. A sai avelpe kai so mislil pe rromiatar inai de istina. 15Te avela de istina o iok gua rrom ka inllarel pe rromia kai o popo, ta ka del ofrenda palala dui kile arina katar e sebada. A ni ka thovel pe goia ofrenda zeitino ni taimano, soke si iek ofrenda pala e mislirura bilache kai si le pala pi rromi, gaia si iek ofrenda te sai llangliolpe o bilachipe.

16O popo ka cherel voi te avel pase, ta ka sikavel la kai o Del. 17Mapalal ka lel cherricha pai santo ande iek taso chikako ta ka imil e paiea cherricha prajo katar e phuv katar o santuario, 18ta o popo ka cherel goia diskinia te achel pe porrne angla o Del, ka mukliarel lake bal ta ka thovel ande lake va e ofrenda pala e bilache mislura te sai llangliolpe o bilachi, a o popo ka lel ande pe va o pai cherko kai anel e armaia. 19Ondaka ka del la sovel ta ka phenel lake: Te na amisailan avere murusea ta te na kojadan che rrome, ta te na cherda kurvaluko te cherel tut te mukel tut pokalime te avel chuke niso kana ka pie gava pai cherko kai anel e armaia. 20A te kojadan che rrome, ta te amisailan avere murusea ta te kurvisailan ta te achilan pokalime, 21Te peren pe tu gala armaia ta te dikhel o foro, ta te cherel o Del te suvliol cho lli ta te na aven tut minone 22Gala armaia ka pheren pe tu kana ka pie gava pai. Ta e diskinia ka phenel: Gia te avelpe.

23Ondaka o popo ka pisil gala armaia ande iek lil ta ka ikanel len e paieia cherko. 24Mapalal ka cherel e diskinia te piel gua pai, ta te sai cherkiarel la andral, 25Mapalal o popo ka lel katar lake va e ofrenda ta ka miskol goia ofrenda angla o Del, mapalal ka thovel e ofrenda angla o altar, 26ta ka lel ande po va katar e ofrenda ta ka phabarel la te sai den golli.

Ta kana e diskinia ka piel gua pai cherko, 27ta voi te kojada pe rrome, gava pai kai anel armaia, ka cherkiarel la andral ta ka cherel lako lli te suvliol ta nasti ka avel la minone. Ta gia kana e llene ka dikhel pe late ka sikon. 28A goia diskinia te avela chachi pe rromeke, ni ka avel la niso ta sai ka avel la minone.

29Gava si o zakono kana e diskinia inai chachi pe rromea ta vou mislila pe kai voi kojada le, 30O kana o rrom mislilape kai voi kojada le ta phenela kai kojada le. Ondaka kote vou ka anel la angla o Del, ta angla o popo ta o popo ka cherel sa gava zakono laia. 31O murus ni ka avel dosalo, a e diskinia te si dosali, voi ka inllarel po bilachi.

Currently Selected:

Numeros 5: BACHRO

Highlight

Copy