Markos 10
10
O Jesus sikavel te sai putaren o drom kana mukenpe
Mt 19.1-12; Lk 16.18
1O Jesus likisto katar o Kafarnaum, ta llelo karing e phuv katar e Judea ta pe phuv kai si pe o goia rig katar o Jordan. Ta kote pale chidinailo o sueto te asunel le, ta sikavela len sar cherela suako drom. 2Ondaka nesave fariseura avile pasa o Jesus ta te zumaven le puchle le dal o rrom sai mukelpe katar pi rromi. 3Vou phenda lenge:
¿So phenda o Moises te cheren?
4Von phende:#Dt 24.1-4; Mt 5.31.
O Moises mukla te chinen kris, ta gia te del la iek lil kai mukelpe latar.
5Ondaka o Jesus phenda lenge:
Soke tumaro lio si zuralo tumenge pisisarda gua alav. 6A kana o Del iakom cherela e sueto cherda len murus ta diskinia.#Jen 1.27; 5.2. 7Pala gaia ezgoda o murus ka mukel pe dade ta pe da te avel pe rromiaia, 8ta e dui ka aven sargo iek manus. Goleke von inai dui, akana von si iek.#Jen 2.24. 9Goleke o manus morabi te na fulavel so o Del thoda ande iek than.
10Kana avile ando cher, e disipulura pale puchle le katar goia orba. 11Ondaka o Jesus phenda lenge:
Gua kai mukelpe katar pi rromi ta zinilpe averiaia, cherel kurvaluko golake kai saia leki rromi mai anglal, 12a e rromi te mukel pe rrome ta te zinilpe averea, i voi cherel kurvaluko.#Mt 5.32; 1 Kor 7.10-11.
O Jesus blagosil e minonen
Mt 19.13-15; Lk 18.15-17
13Ondaka ande kai o Jesus nesave minonen te thovel pe va pe lengo soro ta te blagosil len, a e disipulura die pe llene kai anena e minonen. 14Kana o Jesus dikhla so cherena, jolailo ta phenda lenge:
Muken e minonen te aven mande, ta na achaven len, soke e charoina e Devleki si golengi kai si sargo minone. 15Chachimaia phenav tumenge, kai kogo ni lel e charoina e Devleki sargo iek minono, ni ka del andre.#Mt 18.3.
16Ta lia e mimonen ande pe va ta thoda upral pe lende pe va ta blagosisarda len.
Iek terno barvalo del orba e Jesusea
Mt 19.16-30; Lk 18.18-30
17Kana o Jesus llalatar kotar, avilo lete iek lleno prastindo ta dia changa angla le ta puchla le:
Kovachi lachea, ¿so morabi te cherav te lau o zivoto ostade?
18O Jesus phenda leke:
¿Soke ikhare man lacho? Samo iek si lacho, o Del. 19#Ek 20.14; Dt 5.18.#Ek 20.15; Dt 5.19.#Ek 20.16; Dt 5.20.#Ek 20.12; Dt 5.16.Tu llane e zakonura:#Ek 20.13; Dt 5.17.
Na mundar, na cher kurvaluko, na chor, na ikan bune, na kojau, de liubao che dade ta che da.
20Gua lleno phenda leke gia:
Kovachi, sa gola ezgode cherdemlen sar kana sema ternorro.
21O Jesus dikhla pe lete volimaia, ta phenda leke:
Iek ezgoda trubul tut te chere:
Lla, ta bichin sa so si tut ta dele e chorrenge. Gia ka avel tut barvalipe ando miloso. Ondaka aide ta lla pala ma.
22Gua manus tristosailo kana asunda gaia orba ta llelotar zalbaia, soke saia but barvalo.
23O Jesus ondaka dikhla truialpe, ta phenda pe disipulonenge:#Pr 11.28.
¡Gia trudno ka avel e barvalenge te den ande charoina e Devleki!
24Gala alava cherde te chudinpe e disipulura, a o Jesus pale phenda lenge:
Chavalen, ¡gia trudno si te den ande charoina e Devleki sa gola kai uzdinpe ande love! 25Mai lesno si iekhe devake te nakhel katar e iak iekhe suviaki, neko te del iek barvalo ande charoina e Devleki.
26Kana asunde le, chudisaile ios mai but, ta puchena iek avere:
¿A ko ka avel braduime?
27O Jesus dikhla pe lende ta phenda lenge:
E manusa nasti cheren gaia ezgoda, a o Del sai, soke o Del sa sai cherel.
28O Pedro thoda te phenel e Jesuseke:
Amen muklam sa so saia amen, ta llelam pala tu.
29O Jesus phenda lenge:
Chachimaia phenav tumenge kai varesavo lleno kai pala ma ta pala e lachi viasta mukla cher, o phlalen, o phiorren, o dea, o dade, o chaurren, o phuvia, 30ka len akana ande gava zivoto stotina droma mai but chera, phlal, phiorra, dea, chaurre ta phuvia, makar nakhena patnia pe dusmanonenchar. Ta ando zivoto kai si te avel ka len o zivoto ostade. 31A but llene kai akana si mai anglal, ka aven e mai palal, a but llene kai akana si mai palal, ka aven e mai anglal.#Mt 20.16; Lk 13.30.
Pale o trito o Jesus phenel kai si te merel
Mt 20.17-19; Lk 18.31-34
32E disipulura phirena karing o Jerusalem, ta o Jesus phirela angla lende. Lenge saia chudo, ta ogola kai avena palal darana. O Jesus pale ikharda pe iek rig e desuduie disipulonen, ta thoda te phenel lenge so saia te nakhel vou ta phenda gia: 33Gia sar tumen dikhen, akana lla ando Jerusalem, kote kai o Chavo e Manuseko ka avel dino kai e gazda e poponenge ta kai e kovacha e zakonoke, ta ka chinaven leke o meripe ta ka den le kai e llene kai inai judiura. 34Ka maren letar espurnia, ka chungarden le, ka chalaven le ta ka mundaren le. A pala e trin llive ka ustel katar o meripe.
O Jesus del orba e Santiagoia ta e Juanea
Mt 20.20-28
35O Santiago ta o Juan, chave e Zebedeoke, avile pasa o Jesus ta phende leke:
Kovachi, manga tutar te chere amenge o sebapi kai ka manga tutar.
36Vou phenda lenge:
¿So mangen te cherav tumenge? 37Von phende leke:
Cher te besa ande chi charoina e bari iek pe chi rig e chachi ta aver pe cho estingo.
38Ondaka o Jesus phenda lenge:#Lk 12.50.
Tumen ni llanen so mangen. ¿Sai pien o cherkipe kai si te piau me, ta te len o kristope kai si te lau me?
39Von phende:
Sai.
O Jesus phenda lenge:
Tumen ka pien gava cherkipe, ta ka len o kristope kai me ka lau 40a te besen pe mi chachi ta pe mo estingo inai ande mo va te dav le, gua ka delpe e llenenge kai si lachardo te delpe.
41Kana ogola des disipulura asunde goia orba, jolaile e Santiagoia ta e Juanea 42A o Jesus ikharda len, ta phenda lenge:
Tumen llanen kai maskar e llene kai ni pachan ando Del si gazda kai misin kai sai gazdarin silnomaia pe llene kai zivin ande gola phuvia ta e bare cheren sogo mangen lenchar. 43A maskar tumende nasti avelpe gia. A ko mangela te cherdol baro maskar tumende, morabi te avel tumaro sluga,#Lk 22.25-26. 44a kogo mangela te avel mai anglal maskar tumende, morabi te avel sluga saurengo.#Mt 23.11; Mk 9.35; Lk 22.26. 45Soke llik o Chavo e Manuseko ni avilo te radin leke, vou avilo te radil, ta te del po zivoto, ta pe zivotoia te sai pochinel amen.#Lk 22.27; Jn 13.12-15.
O Jesus sastarel iekhe korre kai ikhardola Bartimeo
Mt 20.29-34; Lk 18.35-43
46O Jesus ta leke disipulura avile ando Jeriko. Ta kana o Jesus likela katar gua foro pe disipulonenchar ta bute llenenchar, iek lleno kai mangela esmola vou saia korro ta ikhardola Bartimeo chavo e Timeoko, ta besela pasa o drom. 47Kana asunda kai avela o Jesus o Nazareno, o korro thoda te urkil:
¡Jesus, Chavo e Davideko, te avel chuke zalba mandar!
48A but llene dena po korro te achel, a vou urkila ios mai zurale:
¡Chavo e Davideko, te avel chuke zalba mandar!
49Ondaka o Jesus achilo, ta phenda:
Ikharen le.
Ikharde e korre ta phende leke:
Cher chuke zor, uste, ikharel tut.
50Ondaka o korro chudia pe patave ta, jutlo ta llelo pasa o Jesus. 51O Jesus puchla le:
¿So mange te cherav pala tu?
O korro phenda leke:
Kovachi, mangav te dikhav.
52O Jesus phenda leke:
Sai llatar, pala cho pachape avilan sastardo.
Ondaka o korro dikhla, ta llelo e dromea pala o Jesus.
Currently Selected:
Markos 10: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
