Lukas 15

E paramichi katar o chobano kai malavel pe bakre

Mt 18.10-14

1Sa e publikanura ta aver llene kai lengi viasta saia bilachi avena kai o Jesus te asunen le. 2E fariseura ta e kovacha e zakonoke dena leke orbe pala gua, ta phenena:#Lk 5.29-30.

Gava si pachivalo e llenenchar kai si bilache ta i jal lenchar.

3Ondaka o Jesus phenda lenge gaia paramichi: 4¿Ko tumendar, te si le stotina bakre ta te jasaol leke iek lendar, ni mukel ogole iniavardes ta inia ando vos ta llal pala o bakro o jasardo, lligo ni malavel le? 5Ta kana malavel le veselimaia thovel le pe pe dume,#Is 40.11; Ez 34.11-12; Jn 10.1-16; Ebr 13.20. 6ta kana avel kai po cher ikharel pe amalen ta e llenen kai zivin pasa le, ta phenel lenge:

Veselin tumen manchar, soke maladem e bakre kai jasailoa mange. 7Phenav tumenge kai isto gia si mai but veselia ando miloso pala iek lleno bilacho kai del pe kai o Del neko pala iniavardes ta inia llene chache kai ni trubul len te irinpe katar pe bilache droma.

E paramichi katar e diskinia kai malavel po tolari

8O Jesus phenda lenge aver paramichi:

¿Savi diskinia kai si la des tolaria ta jasarel iek lendar, ni phabarel iek memeli ta metil o cher ta rodel prezomaia lligo ni malavel le? 9Ta kana malavel le, ikharel pe amalen ta e diskinien kai zivin pasa la, ta phenel lenge:

Veselin tumen manchar, soke ia maladem o tolari kai jasardema. 10Phenav tumenge kai isto gia si veselia maskar e suechura e Devleke pala iek bilacho kai lel e Devle.

E paramichi katar o Dad kai volil pe chaurre

11O Jesus phenda i gaia orba:

Iek lleno saia le dui chaurre, 12ta o mai terno phenda pe dadeke:

Dade, de man akana e love kai ka peren man kana ka mere. Ondaka o dad fulada so saia le e duienchar. 13Nakhle nesave llivesa ta o chavo o mai terno bichinda so pelaia le, ta gole lovenchar llelotar dur, ande aver phuv, ta zatrisarda sa ando bilachipe. 14A kana zatrisarda sa so saia le, avila but bok ande goia phuv, ta ni saia len so te jan ta vou nakhela bok. 15Llelo te mangel rado katar iek lleno katar gua foro ta bichalda le ando vos te arakhel e balen. 16A vou saia gia bokhalo kai mangela te jal so jana e bale ta te pherdol leko lli, a niko ni dela le. 17Ondaka avilo vou pete ta mislisailo:

¡Pe gachin llene kai radin ande me dadeko cher si len sa o jape kai mangena, a me kate merav bokhatar! 18Ka iriv man kai me dadeko cher, ta ka phenav leke:

Dade, cherdem o bilachipe e Devleke ta i chuke. 19Ni sem lacho te avav cho chaurro. Cher man sargo iek katar e llene kai radin chuke. 20Ondaka llelo ta irisailo kai o cher pe dadeko.

Kana vou saia dur, leko dad dikhla le ta avila leke zao letar. Prastio lete, ta lipisarda le pe pete ta chumidia le. 21O chavo phenda leke:

Dade, cherdem o bilachipe e Devleke ta i chuke. Ni sem lacho te avav cho chaurro. 22A o dad phenda pe slugenge:

Ikanen oma e mai lache patave ta thoven len pe lete, ta thoven i iek angrusti ande leko nai ta minie ande leke porrne. 23Ta anen e guruve e mai thule ta mundaren le. ¡Ta chera iek pachiu! 24Soke gava chaurro murno saia mulo ta zivisarda pale. Jasailoa ta maladam le. Ta cherde e pachiu. 25A o phlal o mai purano saia ando vos. Kana irisailo ta avilo pasa o cher, asunda e llilia ta o chelipe. 26Ondaka ikharda iekhe llene katar e sluge ta puchla le so cherena. 27O sluga phenda leke:

Cho phlal irisailo. Ta cho dad phenda te mundaren e guruve e mai thule, soke malada le sasto. 28Ondaka o phlal o mai purano jolailo pe gachin kai ni kamela te del andre, ta leko dad saia te likel avri te mangel letar te del. 29Vou phenda pe dadeke:

Tu llane pe gachin burs radisardem chuke, ta cherdem sa so phendan mange, ta nikada ni dian man ni iek busnorro te cherav iek japorre me amalenchar. 30A akana kai avilo gava chaurro chiro, kai zatrisarda che love e bilache diskinienchar, mundare leke o guruv mai thulo.

31O dad phenda leke:

Chavea murno, tu san manchar suako llive, ta sa so si man si chiro. 32A saia te chera gava iekhe jamaia ta te veseli amen, pala cho phlal, soke saia mulo, ta zivisarda pale. Jasailoa ta maladam le.

Currently Selected:

Lukas 15: BACHRO

Highlight

Copy