Levitiko 18

Te na cheren kurvaluko

1O Del dia orba e Moisesea ta phenda leke:

2Phen e israelenge gala alava: Me sem o Jeova tumaro Del.

3Na cheren sargo e ejipsiura ande phuv kai zivisarden, ta na cheren sargo e llene ando Kanaan, e phuv kai ka inllarav tumen, ta na zivin prema lenge zakonura.

4Kanden me zakonura ta zivin prema lende. Me sem o Del tumaro Gazda.

5Goleke kanden me zakonura, ta me alava ta ko kandela len, ka zivil prema lende. Me sem o Del.#Nej 9.29; Ez 18.9; 20.11-13; Lk 10.28; Ro 10.5; Gl 3.12.

6Ni iek lleno te na amilpe iekhe diskiniaia kai si but leki familia. Me sem o Del.

7O nangipe che dadeko ta che dako ni ka pinllare. Chi dei si, ni ka dikhe lako nangipe.

8O nangipe katar e rromi che dadeki ni ka pinllare, soke si o nangipe che dadeko.#Lv 20.11; Dt 22.30; 27.20.

9O nangipe che phiorrako, chorri che dadeki o chorri che daki, biandi ando cher o avri katar o cher, lako nangipe ni ka pinllare.#Lv 20.17; Dt 27.22.

10O nangipe katar e chorri che chaurreki, o e chorri che chorraki, lako nangipe ni ka pinllare, soke si o nangipe chiro.

11O nangipe katar e chorri katar e rromi che dadeki, kai si chi phiorri dadetar, lako nangipe ni ka pinllare.

12O nangipe katar e phiorri che dadeki, ni ka pinllare lako nangipe, soke si leki phiorri.

13O nangipe katar e phiorri che daki ni ka pinllare lako nangipe, soke si e phei che daki.

14O nangipe katar o phlal che dadeko ni ka pinllare, ni ka ami tut leke rromiaia, soke si e rromi katar che dadeko phlal.#Lv 20.19-20.

15O nangipe che boriako ni ka pinllare, soke si e rromi che chaurreki, ni ka pinllare lako nangipe.#Lv 20.12.

16O nangipe katar e rromi che phlaleki ni ka pinllare, soke si o nangipe che phlaleko.#Lv 20.21.

17O nangipe katar leki rromi ta katar leki chorri, ni ka pinllare lengo nangipe. Ni ka le e chorra katar leki chorri, ni e chorra katar laki chorri, te na pinllare lako nangipe soke sen but familia, soke te chere gua si bilachipe.#Lv 20.14; Dt 27.23.

18Na le rromi e diskinia kai si phiorri che rromiaki so avela llundi chi rromi te na marenpe maskar pete.

19Te na ami tut iekhe diskiniaia kana voi si ande po chon kai nasuaol.#Lv 20.18.

20Te na ami tut e diskiniaia kai si avere lleneki, te na ache pokalime.#Lv 20.10.

21Te na de ni iek katar che chaurre ofrenda te phabaren le e deleke kai ikhardol Molok. Gia te na muke ando lallao o anav che Devleko me o Jeova.#Lv 20.1-5.

22Ni ka ami tut iekhe murusea sargo iekhe diskiniaia. Gava si iek baro gado.#Lv 20.13.

23Te na ami tut ni iekhe ziviriniaia, te na ache pokalime cheres gava. Ta ni e diskinia te na amilpe ni iekhe ziviriniaia. Gava si iek baro bilachipe.#Ek 22.19; Lv 20.15-16; Dt 27.21.

24Te na a chen tumen pokalime gale ezgodenchar, soke gale ezgodenchar cherdile pokalime e forura kai me ka chudav len angla tumende, 25ta i lengi phuv achili pokalime, a me chindem kris pe lende cheres lengo bilachipe ta e phuv chudia petar e llenen kai zivina kote. 26Goleke tumen e israelitura ta e llene kai aven katar aver phuv ta kai zivin maskar tumende, kanden me zakonura, ta na cheren ni iek katar gava baro bilachipe, 27soke gala familie kai cherde gava baro bilachipe, von kai zivisarde mai anglal neko tumen ande gaia phuv, pala lengo bilachipe e phuv achili pokalime. 28¡Te na avelpe kai e phuv ka chudel tumen soke cherden la te avel pokalime, gia sar chudia e llenen kai sea mai anglal neko tumen! 29Ko cherela gava baro bilachipe, morabi te avel tradino katar tumaro foro. 30Goleke, morabi te kanden me alava ta te na cheren so cherde kote e manusa kai sea mai anglal neko tumen, ta te na a chen pokalime gale bilache ezgodenchar. Me o Jeova tumaro Del.

Currently Selected:

Levitiko 18: BACHRO

Highlight

Copy