Jenesis 20

O Abraam ta o Abimelek

1O Abraam llelotar kotar ta llelo ande phuv katar o Negev, ta inzarda pi chara maskar o Kades ta o Chur, ta kote ando Jerar zivisarda sargo lleno kai avel katar aver phuvia. 2Ta kote vou phenela kai e Sara leki rromi, saia leki phei. Ondaka o Abimelek, o charo katar o Gerar, bichalda te anen e Sara te sai zinilpe laia.#Jen 12.13; 26.7. 3A goia riat o Abimelek dikhla iek suno, ta ando suno o Del phenda leke:

Tu ka mere, soke e diskinia kai tu lian si zinime.

4A sar vou ni sovto laia, phenda leke:

Devla, ¿a so misli tut te mundare e llene kai ni cherda o bilachipe? 5Isto o Abraam phenda mange kai goia diskinia si leki phei, ta i voi phenda kai vou si leko phlal. Goleke so me cherdem, cherdem le lachimaia. Me ni cherden ni iek ezgoda bilachi.

6A o Del phenda leke ando suno:

Me llanav kai cherdan le lachimaia, goleke ni muklem te dodi la te na chere o bilachipe mange. 7Akana, irisar leke rromia lete soke vou si iek profeta, ta vou ka molilpe pala tu te sai zivi. A te na iria leke rromia, tu ta sa chi familia ka meren.

8Ondaka o Abimelek ustilo thiarinako rano, ikharda sa pe slugen ta phenda lenge o suno. Kana von asunde le, but bari dar avila lenge. 9Ondaka o Abimelek ikharda e Abraame ta phenda leke:

¡Dik so cherdan amenge! ¿So cherdem chuke me, kai andan gia baro bilachipe pe ma ta pe mo sueto? Gaia ezgoda saia te na chere manchar. 10¿Ande so mislia kana cherdan sa gava? Gia si sar dia orba o Abimelek e Abraameke. 11A o Abraam phenda leke:

Me mislivaman kai kate niko ni daral e Devletar, ta kai ka mundaren man cheres mi rromi. 12A de istina si kai voi si mi phiorri. Voi si chorri me dadeki a na me daki, goleke sai zinisailem laia. 13Ta kana o Del phenda mange te llautar katar o cher me dadeko, me manglem latar te phenel kaigo te llaia, kai me sem lako phlal.

14Ondaka o Abimelek irisarda e Abraameke leke rromia e Sara. Ta i dia le bakre, guruva, sluge diskinie ta sluge murusa, 15ta phenda leke:

Dik, kate angla tu si mi phuv. Esvirisar kai mange te zivi.

16A e Sarake phenda:

So diem che phlale mol milia tolaria rupune. Gale ezgodaia ka llal chi viasta maskar sa e llene kai si tuia kai tu ni cherdan nisavo bilachipe, gia niko nasti ka del orbe bilache tutar.

17Ondaka o Abraam molisailo e Devleke pala o Abimelek, ta o Del sastarda le, ta leke rromia, ta i sastarda leke slugen diskinie te sai avel len minone, 18soke cheres e Sara, o Del cherdaia ni iek diskinie te avel len minone ando cher katar o Abimelek.

Currently Selected:

Jenesis 20: BACHRO

Highlight

Copy