Eksodo 6
6
1Ondaka o Del phenda e Moiseseke:
Akana ka dikhe so ka cherav e Faraonoia, soke samo zoriaia ka mukel tumen te liken katar pi phuv, ta isto vou ka phenel tumenge te llantar.
O Del ikharel pale e Moisese
2Ta o Del phenda e Moiseseke:
Me sem o Jeova.
3Me sikadilem e Abraameke, e Isaakeke ta e Jakobeke ta pinllarde man gale anavea o Del kai si le sa e zor, a pe mo anav o Jeova ni dieman te sikadivav lenge. 4Ta achilem lenchar pe iek orba, te dav len e phuv katar o Kanaan, goia phuv kai von iek drom zivisarde nesavo vreme sargo llene kai aven katar aver phuv.#Jen 17.1-8. 5Ta akana kai asundem kai e israelitura nakhen duk, ta kai e ejipsiura pe zor cheren len te radin, diem man golli pe orba kai achilema lenchar. 6Goleke lla ta phen e israelenge kai me, tumaro Del, ka ikanav tumen katar o Ejipto, ta katar o baro rado kai thode pe tumende e ejipsiura te cheren pe zor. Ka sikavav mi zor ta ka braduiv tumen bare krisaia. 7Ka lav tumen sargo mo foro, ta me ka avav tumaro Del. Gia tumen ka llanen kai me sem o Gazda tumaro Del, kai braduisardem tumen katar o baro rado kai thodea tumen e ejipsiura te cheren pe zor. 8Ta ka inllarav tumen ande phuv kai diem mo alav kai ka dav e Abraame, e Isaake ta e Jakobe, ta tumen ka dav gaia phuv. Soke me sem tumaro Del.
9O Moises phenda sa gala alava e israelenge, a von sea gia chinie katar o rado kai thodea len te cheren pe zor, kai nasti thovena leke sama. 10Ondaka o Del phenda e Moiseseke:
11Lla ta phen e Faraonoke o charo katar o Ejipto te mukel te liken katar leki phuv e israelen.
12A o Moises phenda e Devleke:
Ni e israelitura ni thoven mange sama, ¿a sar ka thovel mange sama o Faraon, kana me ni llanav te dav orba sukar?
13Ondaka o Del bichalda e Moisese ta e Aarone te phenen e israelenge ta e Faraonoke charo katar o Ejipto, kai o Del phenda lenge te ikanen katar e phuv katar o Ejipto o e israelen.
Gala si e anava katar e vicha e Aaronoki ta e Moiseseki
14Gala si e gazda katar e familie, pe rig lenge dadengi. E chave katar o Ruben, o chavo o mai purano katar o Israel, sea gala:
O Janok, o Falu, o Jesron ta o Karmi. Gala si e familia katar o Ruben.
15E chave katar o Simeon sea gala:
O Jemuel, o Jamin, o Oad, o Jakin, o Sojar ta o Saul, kai leki dei saia iek kananea. Gaia si e familia katar o Simeon.
16O Levi zivisarda stotina ta tranda ta efta burs. Gala si e anava katar leke chave, katar o mai purano llik kai o mai terno:
O Gerson, o Koat ta o Merari. 17E chave katar o Gerson sea:
O Libni, ta o Simei, katar lengi familia. 18O Koat zivisarda stotina ta tranda ta trin burs, ta leke chave sea:
O Amram, o Izar, o Jebron ta o Uziel. 19E chave katar o Merari sea gala:
O Majli ta o Musi. Gala si e familia katar o Levi, katar o mai purano llik o mai terno.
20O Amram zinisailo iekhe diskiniaia kai ikhardola Jokabeb kai saia leki bibi, ta voi bianda e Aarone ta e Moisese. Ta o Amram zivisarda stotina ta tranda ta efta burs.
21E chave katar o Izar sea gala:
O Kore, o Nefeg ta o Zikri.
22E chave katar o Uziel sea gala:
O Misael, o Elzafan ta o Sitri.
23O Aaron zinisailo iekhe diskiniaia kai ikhardola Elisabet, kai saia chorri katar o Aminadab ta saia phiorri katar o Naason, ta maladila lake o Nadab, o Abiu, o Eleazar ta o Itamar.
24E chave katar o Kore sea gala:
O Asir, o Elkana ta o Abiasaf. Gaia si e familia katar e koreitura.
25O Eleazar o chavo katar o Aaron, zinisailo iekhe diskiniaia kai saia iek katar e chorra katar o Futiel. Gala si e gazda katar e familia katar e levitura prema lengi vicha.
26Von si isto o Aaron ta o Moises, kai lenge phenda o Del te ikanen katar o Ejipto e israelen, lacharde sargo e boñikura. 27Isto von si o Moises ta o Aaron kai die orba e Faraonoia, o charo katar o Ejipto, te sai ikanen katar goia phuv e israelen.
O Del ikharel e Moisese ta e Aarone
28Kana o Del dia orba ando Ejipto e Moisesea, 29phenda leke:
Me sem o Del. Phen e Faraonoke, o charo katar o Ejipto, sa so ka phenav chuke.
30A o Moises phenda leke:
Devla, me ni llanav te dav orba sukar, goleke o charo katar o Ejipto ni ka thovel mange sama.
Currently Selected:
Eksodo 6: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
