Eksodo 37
37
Cherdol e arka katar e alava
Ek 25.10-22
1O Bezalel cherda e arka katar o kas kai ikhardol akasia, kai saia le iek pola ta des sentrimetrura lungimatar, sovardes ta panch sentrimetrura bulimatar, ta sovardes ta panch sentrimetrura upre. 2Ta uchardala ando sunakai lacho andral ta i avrial, ta thoda truial katar e arka iek fisia sunakuni. 3Ta i cherda star alkave sunakune leke stare porrnenge, dui pe iek rig ta dui pe ogoia rig. 4Ta cherda pulsura katar o kas kai ikhardol akasia ta ucharda len ando sunakai, 5ta mapalal nakhada len katar e alkave kai sea pe lake dui riga e arkake te sai inllaren la.
6Ta i cherda o propisiatorio katar o sunakai lacho kai saia le iek pola ta des sentrimetrura lungimatar, ta sovardes ta panch sentrimetrura bulimatar, 7ta cherda e dui kerubinura katar o sunakai cherde e chokanoia pe dui riga katar o propisiatorio. 8Iek kerubin pe iek rig ta o gua pe ogoia rig, cherde katar iek kotor. Ta katar o propisiatorio cherda e kerubinura pe leke dui riga. 9Gia achile iek angla aver, ta pe pakhenchar ucharena o propisiatorio, a lengo mui dela karing o altar.
Cherdol o stali kai thodol o marrno
Ek 25.23-30
10Ta o Bezalel cherda iek stali katar o kas kai ikhardol akasia, kai saia la iniavardes sentrimetrura lungimatar, saranda ta panch sentrimetrura bulimatar, ta sovardes ta panch sentrimetrura vazdini. 11Uchardala ando sunakai lacho ta thoda iek fisia truial sunakuni. 12Cherda truial letar iek kurlo kai saia le efta sentrimetrura bulimatar, ta po kurlo thoda iek fisia sunakuni. 13Ta i cherda star alkave sunakune, ta thoda len pe star riga leke porrnenge. 14Telal katar o kurlo sea e alkave, ta kotar thodona e pulsura te sai inllaren o stali.
15E pulsura te sai inllaren o stali cherda len katar o kas kai ikhardol akasia, ta mapalal ucharda len ando sunakai. 16Ta e ezgode kai saia te aven pe stali cherda len katar o sunakai, o charo, e roia bare, e tasura bare kai thodol andre so si dino.
Cherdol o kandelero sunakuno
Ek 25.31-40
17O Bezalel cherda o kandelero desneto sunakuno mardino e chokanoia. Kote kai thodol, lako kas, lake krangura, lake septelie, ta lake lulunlla sea katar iek kotor. 18Katar lake dui riga likena efta krangura. Trin krangura katar iek rig katar o kandelero, ta aver trin katar ogoia rig katar o kandelero. 19Ta ande iek krango, trin tasura sargo lulunllin katar o almendro. Iek septelia iek lulunllin, ta ande o gua krango trin tasura sargo lulunllin katar o almendro. Iek septelia iek lulunllin, gia ande sov krangura kai likena katar o kandelero. 20Ta o kas saia le star tasura sargo lulunllin katar o almendro, leke septelie ta leke lulunlla. 21Ta iek septelia telal katar e dui krangura katar e trin kai likena, ta aver septelia telal katar aver dui krangura katar e trin kai likena. 22Leke septelie ta leke krangura sea katar iek kotor. Sa sea cherde katar iek kotor sunakuno mardino e chokanoia. 23Ta i cherda leke efta lampare, leke kliasture ta e tasura, desneto sunakune. 24Te sai cherdol o kandelero ta leke ezgode, saia te thodol tranda ta trin kile desneto sunakai.
Cherdol o altar katar o taimano
Ek 30.1-5
25O Bezalel cherda o altar katar o taimano katar o kas kai ikhardol akasia. Saia le star riga, saranda ta panch sentimetrura lungimatar, saranda ta panch sentimetrura bulimatar, ta iniavardes ta panch sentimetrura upre. E singa katar o altar ta o altar sea cherde katar iek kotor. 26Mapalal ucharda ando desneto sunakai e rig kai si upral, leke star riga, ta leke singa. A thoda iek fisia sunakuni truial. 27Ta i thoda dui alkave sunakune telal katar e fisia, dui pe iek rig, ta dui pe ogoia rig te sai nakhaven andar lende e pulsura, ta gia te sai inllaren o altar. 28E pulsura cherda len katar o kas kai ikhardol akasia, ta mapalal ucharda len ando sunakai.
Lacharen o zeitino katar so si dino ta o taimano Ek 30.22-38
29O Bezalel cherda i o zeitino santo katar so si dino, ta o taimano kai kandel sukar, gia sar cheren le e llene kai cheren o meriso.#Ek 30.22-38.
Currently Selected:
Eksodo 37: BACHRO
Highlight
Share
Copy
Want to have your highlights saved across all your devices? Sign up or sign in
Biblia ande chib Romani © Sociedad Bíblica Chilena, 2018.
