Eksodo 3

O Del ikharel e Moisese

1O Moises arakhela e bakren katar o Jetro leko sastro kai saia popo katar o Madian. Iek llive inllarda e bakren katar o pusto, ta avilo kai o burdo e Devleko kai ikhardola Joreb. 2Ta kote o suecho e Devleko sikadilo leke po maskaral katar iek#3.2 Fafurruka si iek kas minono bute patrenchar. fafurruka kai phabola ande iag, a o Moises dikhla kai e fafurruka saia ando plameko, a e fafurruka ni phabola. 3Ondaka o Moises phenda:

¡Ka llav te dikhav gaia ezgoda chudo, soke ni phabol goia fafurruka!

4Kana o Del dikhla kai o Moises llala te dikhel, ikharda le maskar e fafurruka, ta phenda leke:

¡Moises, Moises! Ondaka o Moises phenda:

Kate sem. 5Ondaka o Del phenda leke:

Te na ave pase ta ikan che minie, soke po than kai san, phuv santa si.

6Ta i phenda:

Me sem o Del che dadeko, o Del e Abraameko, e Isaakeko, ta e Jakobeko. Ondaka o Moises ucharda po mui, soke darailo te dikhel e Devle.

7A o Del pale dia orba lea, ta phenda leke:

Dikhlem sar si e duk katar mo foro kai si ando Ejipto, ta asundem lengo kukipe pala so cheren lenchar, ta llanav lengi duk, 8goleke fulistem te braduiv len katar o va e ejipsionengo, ta te ikanav len katar goia phuv, ta te inllarav len kai iek phuv bari ta lachi, kai o thud ta o aullin nakhen sargo o pai. Ande gaia phuv zivin e kananeura, e jititura, e amorreura, e fereseura, e jivitura, ta e jebuseura. 9Ta asundem o kukipe katar e israelitura, ta dikhlem sar e ejipsiura phariaven lengo zivoto. 10Goleke aide akana, ta ka bichalav tut kai o Faraon te sai ikane katar o Ejipto me foro e chaurren katar o Israel.#Ech 7.30-34.

11Ondaka o Moises phenda e Devleke:

¿A ko sem me te llav kai o Faraon, ta te ikanav katar o Ejipto e chaurren katar o Israel?

12A o Del phenda leke:

Lla soke me ka llav tuia, ta gale ezgodaia kai ka sikavav chuke ka llane kai me sem kai bichalav tut: Kana ka ikane katar o Ejipto me foro, tumen ka blagosin man pe gava burdo.#Ech 7.7.

13A o Moises phenda e Devleke:

Me te llav ta te phenav e israelenge:

O Del katar o Abraam, katar o Isaak, ta katar o Jakob, bichalda man te ikanav tumen, von ka puchen man: ¿Sar ikhardol? Ondaka, ¿so ka phenav lenge?#Ek 6.2-3.

14A o Del phenda leke:

ME SEM KO SEM. Ta ka phene e israelenge: ME SEM bichalda man tumende.#Jn 8.24,58; Ech 1.4,8.

15Ta i phenda o Del e Moiseseke:

Phen e israelenge:

O Jeova, o Del tumare puranengo e Abraameko, e Isaakeko ta e Jakobeko, bichalda man tumende. Gava si mo anav ostade, gale anavea ka denpe golli mandar sa e bursenchar.

16Lla, ta chide sa e phuren katar o Israel ta phen lenge:

O Gazda, o Del tumare puranengo, o Del e Abraameko, e Isaakeko ta e Jakobeko, sikadilo mange ta phenda mange kai vou thoda tumenge sama, ta dikhla so cheren tumenchar ando Ejipto. 17Ta i phenda mange: Me ka ikanav tumen katar e duk katar o Ejipto, ta ka inllarav tumen kai e phuv katar e kananeura, e jititura, e amorreura, e fereseura, e jivitura ta e jebuseura, e phuv kai o thud ta o aullin nakhen sargo pai. 18Me llanav kai e phure ka thoven chuke sama, ondaka tu ka lla lenchar kai o charo katar o Ejipto, ta ka phenen leke:

O Gazda, o Del katar e ebreura likisto te maladol amenchar. Goleke, muk amen te lla po pusto, llik kai ka resa ande trin llive, te sai da kurbanura e Gazda amare Devle. 19A me llanav kai o charo katar o Ejipto ni ka mukel tumen te llan, a me pe zor ka cherav te mukel tumen. 20Goleke, me ka sikavav mi zor ta ka rraniu merimaia e ejipsionen, ta pala e bare ezgode kai ka cherav ande lengi phuv, o Faraon ka mukel tumen te llan. 21Ta me ka cherav e ejipsiura te avel lenge zao katar o foro, ta gia kana ka liken te na liken chuche vastenchar. 22Suako diskinia israelita ka mangel katar e diskinia ejipsia kai zivil pasa la o kai zivil laia, rup, sunakai, patave, ta lenchar tumen ka furiaven tumare chaurren ta tumare chorren, ta gia ni ka muken niso katar so si te len katar ejipsiura.#Ek 12.35-36.#Ek 12.35-36.

Currently Selected:

Eksodo 3: BACHRO

Highlight

Copy