Eksodo 23

E zakonura te cherdol o chachipe

1Na de orba kojamne angla e llene, ta na achi pe orba e llenea kai si bilacho te kojave angla e kris.#Ek 20.16; Lv 19.11-12; Dt 5.20.

2Na cher o bilachipe samo soke sa e llene cheren le. Kana si te de orba angla e kris, na de orbe kojamne sar cheren le sa o sueto, tu phen o chachipe.

3Na kojav te sai pomozi e chorre pe iek kris.#Lv 19.15.

4Te dikhea iek guruv o iek magarcho kai llal jasardo, irile kai leko gazda, i te avela gua lleno cho dusmano. 5A te dikhea kai iek magarcho perela cheres o pharipe kai inllarel, ikan gua pharipe letar, i te avela cho dusmano o gazda katar gua magarcho. 6Te si te chine varesavi kris, te na chine iek kris kojamni e chorrenge.

7Na dosar iekhe llene kojaimaia, ta na chin iekhe lleneke kai si chacho te merel kana gua lleno inai dosalo, soke me ni ka dikhav chacho e llene kai si dosalo.

8Te na le love katar nisavo lleno kai mangela tutar te chere varesavo bilachipe. Gola love cheren e llenen te korraon ta cheren e krisaria te chinen iek kris kojamni e llenenge kai si chache.#Lv 19.15; Dt 16.19.

9Na dukhav e llene kai si katar aver phuv, soke tumen llanen sar si o zivoto iekhe lleneko kai avel katar aver phuv, soke tumen zivisarden ando Ejipto, iek phuv kai ni saia tumari.#Ek 22.21; Lv 19.33-34; Dt 24.17-18; 27.19.

Kana ni ka radi e phuv

10Sou burs ka radi e phuv ta ka chide so del e phuv, 11a o sovto burs ni ka radi e phuv. A te dela e phuv vareso korkorre, gua so dela ka mukenle te sai jan e llene kai si chorre, ta so achela, mukenle te janle e zivirinie dive. Ta isto gia ka cheren le kote kai si tumen drakha ta maslinke.#Lv 25.1-7.

12Sou llive ka radi, a o eftato llive ni ka radi, te sai achel katar po rado i cho guruv, cho magarcho, cho sluga ta i e llene kai aven katar aver phuvia kai radin chuke.#Ek 20.9-11; 31.15; 34.21; 35.2; Lv 23.3; Dt 5.13-14.

13Kanden sa gala zakonura, ta e anava katar averenge dela te na ni phenen len katar tumaro mui.

E trin slave bare

Ek 34.18-26; Dt 16.1-17

14Cher trin slave ando burs ande mo liubao. 15E slava katar o marrno kai inai ande lete levadura. Gia sar me phendem chuke te chere, ka ja marrne kai pe lende inai levadura. Efta llive ka ja gola marrne ando chon katar o Abib, soke ande gua chon likisten katar o Ejipto. Ta niko ni ka avel angla ma chuche vastenchar.#Ek 12.14-20; Lv 23.6-8; Nm 28.17-25.

16A kana ka avel o vreme te chide so del e phuv, ka chere dui slave. O purvo slava ka avel kana ka chide e purve septelie katar cho vostano, o duito ka avel kana ka chide sa so si tut ande cho vostano kana ka getolpe o burs.#Lv 23.15-21,39-43; Nm 28.26-31.

17Sa e murus morabi te aven trin droma ando burs angla o Del.

18Kana ka de kurbanura, na de isto ande iek than o marrno kai si ande lete levadura ta o rat katar e zivirinia, ta na guruv e khoi thiarinake.

19Katar e mai lache purve septelie katar cho vostano ka anelen ando cher che Devleko kai si cho Gazda. Na chirav e busnen ando thud lenge dako.#Dt 14.21; 26.2.

O suecho e Devleko

20Dik me ka bichalav me suecho angla tu te sai arakhel tut po drom, ta te inllarel tut kai o than kai me lachardem chuke. 21Na duriu letar, kande le suako drom, soke vou cherel sa e ezgode ande mo anav, a te na kandian le, vou ni ka prostil tumaro bilachipe. 22A chachimaia te asunea leko avazi ta te cherea sa so me phendem, me ka avav zuralo che dusmanenchar ta ka dukhavav e llenen kai dukhaven tumen. 23Soke mo suecho ka llal angla tu, ta ka inllarel tut kai e phuv katar e amorreura, jititura, fereseura, kananeura, jivitura ta e jebuseura, ta me ka zatriv len. 24Ni ka de changa angla lenge dela, ta ni ka blagosi len. So morabi te chere si te phage sa lenge dela ta lenge barra kai blagosin. 25Ka radin e Devleke tumaro Gazda, ta vou ka blagosil tumaro marrno ta tumaro pai. Ta me ka ikanav tumendar suako nasualipe, 26ta ni ka meren terne. Sa e diskinie katar o Israel ka avel len minone, ta sa lenge chaurre ka biandon saste.

27Kana tu ka ave kai e phuv katar o Kanaan, me ka cherav e llenen kai zivin kote te pherdon dar ta te nasen angla tu. 28Ta mai anglal tu te ave, me ka bichalav bindivoria dive te traden e llenen kai ikhardon Jeveoura, kananeura ta e jititura, von ka nasen angla tu. 29A ni ka tradav che dusmanen ande iek burs, ka cherav le poloke, soke te cheravale oma, e phuv sai murilpe ta sai pherdol zivirinie dive kai sai vazdiniaon pe tute. 30Mai sukar si te adurichara te avel tut but chaurre, ta gia te le sa e phuv. 31E phuv kai ka dav tut ka resel llik kai e Mora e Loli ta llik kai e mora katar e filisteura, ta katar o pusto llik kai o pai kai ikhardol Eufrates. Ta tu ka gazdari pe sa e llene kai zivin kote, ta tu ka trade len kotar.

32Te na avel tut ni iek posla gole llenenchar ta ni lenge delenchar. 33Ta na muk te zivin ande chi phuv, te na cheren tut te chere o bilachepe mange. Soke sai rese te blagosi lenge dela.

Currently Selected:

Eksodo 23: BACHRO

Highlight

Copy