Eksodo 22

E zakonura kana iek lleno chorel avere

1Kana vareko chorela iek guruv o iek bakro, ta mundarela le o bichinela le, morabi te del panch guruva pala gua guruv kai chorda, ta star bakre pala o bakro kai chorda.

2Te malavena iekhe chore kana dela ande iek cher te chorel, ta te rranila le ta te merela, gole kai mundarda le ni ka dosaren le katar leko meripe. 3A o chor te dela te chorel ollivesea ta te mundarena le, gua kai mundarda le ka avel dosalo katar leko meripe. Ko chorela morabi te pochinel so mola e ezgode kai chorda, a te na avilale love, vou ka avel bichindo te sai pochinel so chorda.

4A te malavena lete e zivirinia kai chorda ta te avela llundi, vou morabi te iril dui zivirinie kai gua lleno kai chorda. Avela guruv o magarcho o iek bakro kai chorda.

5Vareko te mukliarela pe zivirinie ande pi umal te jan, a e zivirinie te llana kai avereki umal te jan, vou morabi te pochinel katar po mai lacho vostano ta pe mai lache drakhenchar so gola zivirinie murisarde.

6Vareko te phabare iag ande avereki umal ta goia iag te phabarela sa o lliu ta e umal, gua lleno kai phabarda e iag morabi te pochinel so phabarda e lleneke kai si leki goia umal.

7Vareko te mukela love o ezgode kai si kuch kai aver lleno te sai guruvel len, ta vareko te chorela gola ezgode katar leko cher, o chor morabi te pochinel dui droma so mona gola ezgode, te istarena le, 8a o chor te nasela, ka inllaren e llene kako si o cher kai e krisaria ta sai llanen dal vou thoda po va pe ezgode kai die lete te guruvel.

9Kana vareko chorela iek guruv, o magarcho o iek bakro, o patave, o varesavi ezgoda jasardi, ta kana vareko phenela gava si murno ta aver phenela iok gava si murno, gole duie llenen ka inllaren len kai e krisaria, ta ko kojada morabi te pochinel dui droma ogole lleneke.

10Vareko te mukela kai aver lleno po magarcho, o po guruv, o iek bakro, o varesavi zivirinia, ta goia zivirinia te merela, o te chalavena la, o chorena la ta niko ni dikhla, 11o lleno kate achili e zivirinia morabi te jal sovel ando anav e Devleko kai vou ni lia niso peke katar e ezgode kai die lete te arakhel. Ondaka o gua lleno morabi te pachal leke sovel ta o lleno kate achile e zivirinia ni ka pochinel niso. 12A te chordele angla leke akha, vou morabi te pochinel. 13A e zivirinia te mundarda la iek zivirinia divi, gua lleno ka anel e kotora katar e zivirinia te sai sikavel, ta gia ni ka pochinel.

14A vareko te mangela averetar te del lete iek zivirinia, ta goia zivirinia te merela o te chalavena la, kana o lleno kai si leki goia zivirinia inai kote, o lleno kai mangla e zivirinia morabi te pochinel la. 15A o lleno kaki si e zivirinia te si kote kana muli, o gua lleno ni ka pochinel. A te phendaia kai ka pochinel o rado kai ka cherel goia zivirinia, ka pochinel samo o vreme kai radisarda.

Aver zakonura

16A vareko te kojavela iekhe chea kai inai mangli ta te sovela laia, morabi te pochinel o lallao ta te zinilpe laia. 17A lako dad te ni kamela te del la, gua lleno morabi te pochinel so pochindol pala iek chei.#Dt 22.28-29.

18A e chirimatarka te na mukela te zivil.#Dt 18.10-11.

19Vareko te amilape iekhe ziviriniaia morabi te merel.#Lv 18.23; 20.15-16; Dt 27.21.

20Ko dela kurbano avere delen morabi te merel.#Dt 17.2-7.

21E llene kai si katar aver phuv ni ka kojaven len ta ni ka dukhave len, soke tumen zivina ando Ejipto, iek phuv kai ni saia tumari.

22Ni ka dukhave e phivlien ta ni e llenen kai achile bi dadengo.#Ek 23.9; Lv 19.33-34; Dt 24.17-18; 27.19. 23Soke tu te dukhavea len, von ka mangen mandar ta me ka asunav len, 24ta bare jolinaia ka lav tumaro zivoto e jarniea. Ondaka tumare rromia ka achen phivlia ta tumare chaurre ka achen bi dadenko.

25Kana vareko dela love unllile iekhe llene kai si chorro ta kai si israelita, kai zivil tuia, ni ka mange letar love upral katar leke love kai si chuke unllile.#Lv 25.35-38; Dt 15.7-11; 23.19-20. 26Te achadan tute leke patave, kana ka pherel o kham ka irilen lete. 27Soke gola patave si sa so si le te nakhel o sil ande riat. Me phenav tumenge kai gua lleno te molilape mange, me ka asunav le soke si mange zao.#Dt 24.10-13.

28Na den orbe bilache katar o Del, ta na den armaia gole kai gazdaril pe cho foro.#Ech 23.5.

29Na muken te anen mange so si dino katar tumaro lliu, ta katar tumare drakha. Ka de man o purvo chaurro kai biandilo katar che chaurre.#Lv 23.9-14; Dt 26.1-11.

30Ta isto gua ka chere che guruvenchar ta che bakrenchar. Efta llive e zivirinie ka muke len pe daia, a o ojtoto llive ka de len mande.

31A tumen, morabi te aven mange llene sante. Na jan o mas kai e zivirinie dive chinde len pe kotora ande umalia, gua mas den le e llukelenge.#Ek 20.16; Lv 19.11-12; Dt 5.20.

Currently Selected:

Eksodo 22: BACHRO

Highlight

Copy