Malumbo 9
9
MUSI 2 HEYAWO
1Ninemwinga haika Mzuri hena ngoro yangu yose: ninetoranya marighio mako mose.
2Nineizihirwa, na ninekuang’aria: ninelivinia izina lako, uoho wanga.
3Maring’a mangu wekigharuka nyuma: wetandarika, weteka, msongorana wako.
4Amu ufishie wuchili wangu na viteto vyangu: uikee kiikayoni, ukichila hena ngalo.
5Ujibohie mbare, umnyamare mbiwi: ulihaija izina lawo ndarasi na ndarasi.
6Maring’a waiting’o, kuteka ndarasi: navyo viongo uvisanzue, mtano lukumbusho lwawo lwateka.
7Kake Mzuri eikaa ndarasi: ekiwika kiikayo kyakwe hena wuchili.
8Enemachilia mwenye masanga hena ngalo: enewachilia wandu hena vitikane.
9Mzuri eneoka matukio lawo weinyalwa: matukio la magheri ma wasi.
10Nawo wekutisiwa izina wenekuitikija: amu touwashigha wala wekuenda, Mzuri.
11Mbinieni Mzuri eikee Sayuni: rarijeni hena wandu mihiro yakwe.
12Amu ula eihia sakame awakumbuka: tewaiwaaye wakiwa weiya.
13Unisarie, ee Mzuri, yoa winyo langu hawo wenishishirwa: we uniwushija ghati ya mbenge ja kifwa.
14Nesa nitinde maluisiso mako mose: mbengeni ha mwana Sayuni, ninelung’aria lukio lwako.
15Mbare walimerukia ikongo waliareha: hena izero weliwisie wegurwa maghu mawo.
16Mzuri etisiwika, eareha wuchili: mbiwi agurwa ni ndima ja mikono yakwe mwenye.
17Wawiwi wenehunduka Ahera: mbare jose wemwiwaa Izuwa.
18Amu tekaiwawe mwasi misi yose: lugumirio lwawo wakiwa toluneteka ndarasi.
19Uwuke, ee Mzuri; asilele mundu: mbare jichiliwe msongorana wako.
20Uwagere fole, ee Mzuri: mbare jiwone kukutisiwa wandu tiki.
Currently Selected:
Malumbo 9: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
