Malumbo 10
10
1Nini uimuke hae, ee Mzuri: nini ukuwisa magheri ma wasi.
2Mkiwa akinywa hena mafuti makwe mbiwi: wateghwe hena ukeleki weugheshijia.
3Amu mbiwi ekuisisa hena malangwa ma ngoro yakwe: naye mwenye ndambi etihia, emdaa Izuwa.
4Mbiwi hena mafuti ma wusho wakwe eghamba, Tenekienda: makusaro makwe mose, Tehena Izuwa.
5Nzia jakwe jareghija misi yose: mawuchili mako wanga, asimawone; ewang’ong’a wawinyi wakwe wose.
6Eghamba ngoroni, Sinededemishwa: irika mtano irika sineoka na wasi.
7Itumbu lakwe laizua seso na ukeleki na lukengo: si ya lumi lwakwe mateshanyo na owiwi.
8Eikaa luteweni ha viongo: mawisoni ekoma ula esina kutekwa: meso memyaiya mnana.
9Eyayia mawisoni sa simba mbakoni; eyayia nesa agure mkiwa: emgura mkiwa, ekimbulula na nyavu yakwe.
10Einama, ekukoda: nawo wanana wagwa hena zinya yakwe.
11Eghamba ngoroni, Izuwa eiwaa: ewisa wusho; tenewona deng’e.
12Uwuke, ee Mzuri; ee Izuwa, uwushije mkono wako: usiwaiwae wakiwa.
13Nini mbiwi emdaa Izuwa: na eghamba ngoroni hakwe, Tounekienda.
14Uwonie; amu wayoa mateshanyo na tiri, ukiuhe mkononi hako: mnana ekuwika hako; uokie mghenja ula esina‐wawee.
15Ubae mkono wakwe mbiwi: na mundu malimali, uende owiwi wakwe mtano touwonawa.
16Mzuri niye Mfumwa ndarasi na ndarasi: mbare jateka ghati ya isanga lakwe.
17Mzuri, ukisikie kila wekikundie wahoo: uneiarehia ngoro yawo, uneiosha isikio lako lisikie.
18Kuwachilia wesina‐wawee na wainyalwa: mundu eye wa masangeni asiokewa wa kuitusha.
Currently Selected:
Malumbo 10: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
