Mattayo 8
8
1Ekinasee na katuwi matorano meingi wakamratera.
2Na yoa, mwenye kusumura akamzia, akamsemba ekiteta, Mzuri, ukakunda, waidima kunizerrija.
3Akaronga mkono, akamkuwara, akateta, Nakunda, uzerrike. Chwi kusumura kwakwe kukazerrika.
4Yesu akamburra, Yoa, usimburre mundu: kake tonga, ukuwondja ha mkohani, ureng’ola itasi sandu Musa eaghanyie hena luwondjo mburi hawo.
5Ekinaingie Yesu na Kapernaum njama akamzia, ekimsemba,
6Ekiteta, Mzoro wangu eyejwe nyumbeni ewadjua kuwia, ewawiwa muno.
7Amburra, Nineza nimhodje.
8Njama akatalwa akaghamba, Mzuri, teiweyo uingie we si ya ghu yangu, kake utete kiteto tiki, na mzoro wangu enehoa.
9Amu na mi ni mundu si ya zinya, mwenye asikari si yangu: na namburra uu, Tonga; etonga: na ungi, Izo; eza: na mzoro wangu, Hira huwo; ehira.
10Yesu ekisikia akarighiwa, akawawurra wala weratera, Kididi namburra, Siwoniemi luitikijo lubaha sa ulu nete ghati ya Israeli.
11Namburra, Ti weingi weneza kufuma kifuma‐izuwa na kigwa‐izuwa, na weneikaa hamwe na Ibrahimu na Isaak na Yakobo ghati ya ufumwa wa wanga;
12Kake waana wa ufumwa wenetaghwa ghati ya kija cha some: niho kineoka kiiyo na kutafuna kwa majegho.
13Yesu akamburra njama, Tonga; sandu waitikija uwone. Mzoro wakwe akahoa saa ila.
14Ekinaingie Yesu nyumbeni hakwe Petro akawona mkwee eyejwe, ewajua ni isemu.
15Akamkuwara mkono, isemu likamshigha, akawuka, akawaindia.
16Hekinaoke chamagheri wakamwetie weingi wenye luhungu: akamakinya maluhungu hena kiteto, akawahodja wose wewadjua:
17Nesa kifike kila kitetiwe ni mroti Isaya, ekiteta, Ye euhie wufaa wetu, akatika ndwari.
18Ekinawone Yesu weingi wekimjunguluka, akaaghanya kukela mtano sela ya keri.
19Mtami mwe akaza akamburra, Mlosha, ninekuratera uhatonga hose.
20Yesu amburra, Maging’a mena makongo, na ndeghe ja wanga jina vichanja, kake Mwana wa mundu tena ha kuwikia mtwi.
21Mwanalosha ungi akamburra, Mzuri, unisame ini nitonge nimjike apa.
22Kake Yesu amburra, Niratera, ushighe wefwie wajike wefwie wawo.
23Ekikwea ngalaweni, waanalosha wakwe wakamratera.
24Na yoa, ngungu mbaha ikaoka ghati ya ndiwa, mtano ngalawa ikafinikirwa ni visibwe: naye eokie eshinjie.
25Wakatonga wakambusha, wekiteta, Mzuri, ukije; twateka.
26Awawurra, Nikini muna fole, wenye luitikijo ludongo? Ekiidiwa akawuka, akajibohia ngungu na ndiwa, hakaoka na kuhoiya kubaha.
27Wandu wakarighiwa wekiteta, Mundu ani uu, mtano ngungu na ndiwa jamwinga isikio.
28Naye ekifika sela ya keri ghati ya isanga la Wagadareni, wakatorana naye weri wenye luhungu, wekifuma mbireni, wakahe muno, mtano teidima mundu kuvetia nzia ila.
29Na yoa, wakaiya wekiteta, Tuna kini na we, mwana wa Izuwa? Waza kuturisha wukiwa kuwoka kwa magheri?
30Heokie hae kufuma hawo ifio la nguwe weingi wekirishwa.
31Maluhungu wakamwomba wekiteta, Ukitukinya, utuingije ghati ya ifio la nguwe.
32Akawawurra, Tongeni. Nawo wekifuma wakatonga na nguwe; na yoa, ifio lose likatonga likisara si ya nduwi mtano na ndiwa, wakafwa ghati ya mbombe.
33Warisha wakamatuka, wakatonga kiongoni wakalia mburi ya vyose, na vya vindu vya wenye luhungu.
34Kiongo chose wakafuma wamkiche Yesu; mtano wekinambone, wakamsemba awuke mihakeni hawo.
Currently Selected:
Mattayo 8: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
