Mattayo 28
28
1Ikinaidiwike Sabato, ukitaghanyuka musi wa kuwoka wa juma, Maryamu Magdaleni na Maryamu ula ungi wakaza kuiyoa mbira.
2Na yoa, heokie kudedema kwa si kubaha, amu malaika wa Mzuri efumie wanga akaza akalibingibisha ibwe ghati ya mbenge, akaikaa wanga yakwe.
3Wusho wakwe ukaoka sa kimereteko, na suke jakwe nyewa sa theluji.
4Na hena fole yakwe warinda wakadedema, wakaoka sa wefwie.
5Malaika akatalwa, akawawurra wache Musiituke, amu natisiwa ti mwamwenda Yesu ula ewanikwe.
6Teoho, amu aruka, sandu eghambie. Izoni yoeni handu Mzuri eyejweho.
7Na tongeni wangu murewawurra waanalosha wakwe ti Aruka ghati ya wefwie; na yoa amurongeria kutonga Galilaya; uko munembona; yoa, namburra.
8Wakatonga wangu kufuma mbireni wenye fole na luizihirwo lubaha, wakasara kuwaliya waanalosha wakwe mburi.
9Na yoa, Yesu akatorana nawo, ekighamba, Salaamu. Wakatonga wakamgura maghuu, wakamwinamia.
10Yesu awawurra, Musiituke; tongeni, waliyeni mburi waanalosha wangu, watonge Galilaya, uko weneniwona.
11Na wekinaoke wekitonga, yoa, wengi wa warinda wakatonga kiongoni wakawaliya mburi ya vindu viokie wakohani wabaha.
12Wekinawunganyike hamwe na waghosi wakala ngiliwata, wakawainga asikari fetha nyingi,
13Wekiteta, Ghambeni ti Waanalosha wakwe wekiza kio wemhiwa, uswi tukishinjia.
14Na kwakicha iki kisikiwa ni mchili, tunemweleja ye, na tunemurinda unywi.
15Wakaiuha fetha, wakaareha sandu weloshijwe; kiteto iki kikatindwa ghati ya Wayahudi mtano na yoo.
16Nawo waanalosha ikumi na mwe wakatonga Galilaya, mtano na nduwi Yesu ewaaghanyie.
17Wekinambona, wakamwinamia, wengi wakaitalwa.
18Yesu akaza akateta nawo, ekighamba Naingwa zinya jose wanga na ghati ya masanga.
19Amu ii tongeni mureosha waanalosha mbare jose, mukiwabatiza hena izina la Apa, na Mwana, na Ngoma Mshenete:
20Mukiwalosha wavigure vyose nimuaghanyie: na yoeni, mi nioho hamwe na unywi misi yose, mtano kuidiwika kwa masanga.
Currently Selected:
Mattayo 28: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
