Mattayo 25
25
1Na ufumwa wa wanga unefwanana na wabora ikumi, wekiuha taa jawo, na wekifuma kutorana naye mwenye ngasu.
2Wasano wawo wakaoka wetomode, na wasano wechee.
3Amu wetomode, wekitika taa jawo, tewetikie mafuta nawo:
4Kake wechee wetikie mafuta ghati ya viwo vyawo hamwe na taa jawo.
5Mwenye ngasu ekishesha wose wakachunda wakashinjia.
6Kio ghati kilozo kikaoka, Yoa, mwenye ngasu! Fumeni mutorane naye.
7Wabora wala wose wakawuka chwi, wakaareha taa jawo.
8Wetomode wakawawurra wechee, Utuinge ma mafuta menyu, amu taa jetu jakunda kujimika.
9Weechee wakatalwa wekighamba, Ngea temenefika hena uswi na unywi; keba mutonge hawo wetagha, murekuzoria.
10Nawo wekitonga kuzora mwenye ngasu akaza: na wala wearehiwe wakaingia naye hena ngasu, luwi lukafingwa.
11Ikuade waza na wabora wala wengi, wekiteta, Mzuri, mzuri, utujughuiye.
12Naye ekitalwa akaghamba, Kididi namburra, simtisiwe unywi.
13Amu ii cheweni, amu tomutisiwe musi nete magheri.
14Amu sa mundu ekizoka awaitange wazoro wakwe, akawainga mali yakwe.
15Akamwinga mwe talanta sano, na mwe talanta mbiri, na mwe talanta mwe, mundu ose hena zinya yakwe; akazoka.
16Chwi ula euhia talanta sano akatonga akahira najo, akaareha talanta sano jingi.
17Na huwo ula wa mbiri akabigha mbucha jingi mbiri.
18Na ula euhia mwe akatonga akafora si akaiwisa fetha ya mzuri wakwe.
19Kutera kwa misi miingi mzuri wa wazoro wala eza, na eareha kutara nawo.
20Na ula euhia talanta sano ekiza akaete na talanta sano jingi, ekiteta, Mzuri, waniingie talanta sano; yoa, nabigha mbucha talanta sano jingi.
21Mzuri wakwe akamburra, Chedi, mzoro wedi na mwitikiji: uokie mwitikiji hena vidongo, ninekuwika wanga ya viingi, ingia ghati ya luizihirwo lwa mzuri wako.
22Na ula euhia talanta mbiri ekiza akaghamba, Mzuri, waniingie talanta mbiri; yoa, nabigha mbucha talanta sano jingi.
23Mzuri wakwe akamburra, Chedi, mzoro wedi na mwitikiji; uokie mwitikiji hena vidongo, ninekuwika wanga ya viingi, ingia ghati ya luizihirwo lwa mzuri wako.
24Na ula euhia talanta mwe akaza akaghamba, Mzuri, nikutisiwe ti niwe mundu edindie, ukifindika usihandaho, na ukiwunganya usimizaho:
25Nikaondoka, nikatonga nikawisa talanta yako si; yoa, kindu chako una.
26Mzuri wakwe akatalwa akamburra, Mzoro mbiwi na mdoko, watisiwe ti nafindika nisihandaho, na nawunganya nisimizaho;
27Huwo yakuwe kugera fetha yangu hawo wekoranya fetha; nesa nikiza niwone fetha yangu na mbucha.
28Amu ii wushijeni talanta hakwe, mwingeni mwenye talanta ikumi.
29Amu ose ena eneingwa, kake ula esina, enewushijiwa kila enakyo.
30Na mtagheni mzoro esiwe ghati ya kija cha shighati, kuneoka kula kuiya na kutafuna majegho.
31Kake eneikaeze Mwana wa mundu hena kirumi chakwe, na malaika wose hamwe naye, magheri mala eneikaa kichumbini cha kirumi chakwe:
32Na mbare jose jinewunganyika msongorana wakwe; naye enewaghawa wonawo, sandu mrisha aghawa maghonji na mbuji:
33Na enewika maghonji ha mkono wa kuume, na mbuji ha mkono wa kumoso.
34Mfumwa enewawurra wala ha mkono wa kuume, Izoni, mutasiwe ni apa wangu, hodjeni ufumwa muarehiwa too kuwoka kwa masanga.
35Amu nisikie nzaa, mkaniinga kidjo; nisikie ngiru mkaniinga cha kunywa; niokie mgheni, mukanitigha;
36Niokie tuhu, mkanidoka; niwadjua, mkanizia; niokie kichungoni, mkanizia.
37Na wala wenye ngalo wenemtalwa wekiteta, Mzuri, ni rini tukuwonie na nzaa, tukakuinga kidjo? kana na ngiru, tukakuinga cha kunywa?
38Ni rini tukuwonie mgheni, tukakutigha? kana tuhu, tukakudoka?
39Ni rini tukuwonie ukiwadjua, kana kichungoni, tukakuzia?
40Mfumwa ekitalwa enewawurra, Kididi namburra, Sandu mumketie mwe wa awa wandwetu, muniketie mi.
41Ikuade enewawurra wala ha mkono wa kumoso, Tongeni kufuma hangu, museswa, ghati ya moto wa ndarasi uarehike hena Shetani na malaika wakwe.
42Amu nisikie nzaa, musiniinge kidjo; nisikie ngiru, musiniinge cha kunywa;
43Niokie mgheni, musinitighe; niokie tuhu, musinidoke; niwadjue, na kichungoni, musinizie.
44Nawo wenetalwa wekighamba, Mzuri, nirini tukuwonie na nzaa, kana na ngiru, kana mgheni, kana tuhu, kana ukiwadjua, kana kichungoni, tusikuindie?
45Naye enewatalwa ekighamba, Kididi namburra, Sandu tomumketie mwe wa awa wandwetu, nete mi tomuniketie.
46Na awa wenetonga ghati ya kunyamarwa kwa ndarasi; kake wenye ngalo hena moo wa ndarasi.
Currently Selected:
Mattayo 25: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
