Mattayo 20
20
1Amu ufumwa wa wanga wafwanana na mundu mwenye nyumba, efumie marekero kuhakua waimi ghati ya mizabibu yakwe.
2Ekinaidiwe kuteta na waimi hena denari puti, akawaingija ghati ya mizabibu yakwe.
3Na ekifuma sa saa ya katatu, akawona wengi wekiimuka kichindeni wesina ndima,
4Akawawurra, Tongeni na unywi ghati ya mizabibu, na kila kiwe ninemuinga. Wakatonga.
5Ekifumawa sa saa ya katandatu na ya kenda akaketa huwo.
6Na sa saa ya ikumi na mwe ekifuma akawona wengi weimuke; awawurra, Nikini mwaimuka puti musina ndima?
7Wamburra, Amu tehena mundu etuhakua. Awawurra, Tongeni na unywi ghati ya mizabibu.
8Ikinaoke chamagheri, mzuri wa mizabibu akamburra mwimuki wakwe, Waitanga waimi urewaiha mshahara wawo, ukiwoka na wa kuidiwika mtano wa kuwoka.
9Na wekiza wala wa sa saa ya ikumi na mwe wakauhia mundu ose denari.
10Na wekiza wala wa kuwoka wegheshijie ti weneingwa nyingi: wakauhia nawo mundu ose denari.
11Wekinauhia wakamnunuwikia mwenye nyumba,
12Wekiteta, Awa wa kuidiwika wahira saa mwe, nawe wawaringanyanya na uswi tugumirie wukiwa wa hemusi na nduwuri.
13Akatalwa akamburra mwe wawo, Mbuyaa, sikuketa owiwi: toutetie nami hena denari?
14Tika kindu chako, uretonga. Nakunda kumwinga uu wa kuidiwika sa we.
15Si chedi hangu kuketa sandu nikundie na vindu vyangu? Ijiso lako iwiwi, amu ya kuoka mi wedi?
16Huwo wa kuidiwika eneoka wa kuwoka, na wa kuwoka eneoka wa kuidiwika.
17Ekinaoke Yesu ekikwea na Yerusalemi akatika waanalosha wakwe ikumi na weri mbai, nzieni akawawurra,
18Yoa, twakwea na Yerusalemi, na Mwana wa mundu eneng’olwa ha wakohani wabaha na watami; na wenemchilia kufwa,
19Na wenemng’ola ha mbare hena kusola, na kubigha, na kuwanika: na musi wa katatu enewushwa.
20Wakamzia mee waana wa Zebedayo na waana wakwe, wekimwinamia na wekimwomba kindu.
21Akamburra, Nikini ukundie? Amburra, Teta ti waana awa weri wangu waikae, mwe na kuume kwako, mwe na kumoso kwako, ghati ya Ufumwa wako.
22Kake Yesu akatalwa akaghamba, Tomutisiwe nikini mukiomba. Mwaidima kunywa ndemwa nikundie kunywi mi? Wamburra, Twaidima.
23Awawurra, Ndemwa yangu kididi munenywa: kake kuikaa na kuume kwangu na kumoso si kwangu kung’ola, kake ni hawo wearehiwe ni Apa.
24Wala ikumi wekinasikie wakasikia oro na wandwawo wala weri.
25Kake Yesu akawaitanga hakwe, akaghamba, Mwatisiwa ti wachili wa Mbare wawatoria, na wabaha wawo wawaketia zinya.
26Si huwo ineoka henyu: kake ula ekundie kuoka mbaha henyu eneoka mwindi.
27Na ula ekundie kuoka mfumwa henyu, aoke muzoro wenyu.
28Sandu mwana wa mundu tezie kuindiwa, kake kuindia, na kung’ola moo wakwe lukombolo lwa weingi.
29Na wekinafume Yeriko matorano mabaha wakamratera.
30Na yoa, webajikemeso weri wekiikaa mbai ya nzia, wekinasikie ti Yesu eokie ekivetia, wakaloza wekiteta, Mzuri, utusarie, mwana wa Daudi!
31Matorano wakawabohia, wahuje: wakaneta kuloza, wekiteta, Mzuri, utusarie, mwana wa Daudi!
32Yesu ekiimuka akawaitanga, akaghamba, Nikini mukundie nimuketie?
33Wamburra, Mzuri, meso metu mejughuke.
34Yesu ekiwasaria akamakuwara meso mawo: chwi wakawona, wakamratera.
Currently Selected:
Mattayo 20: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
