Mattayo 19
19
1Ikaoka ekinaidiwe Yesu viteto ivi, efumie Galilaya, akaza na mihaka ya Uyahudi sela ya Yardani;
2Matorano mabaha wakamratera, akawahodja uko.
3Wafarisayo wakamzia wekimghesha na wekiteta, Ni kyedi mundu amshighe mche wakwe hena lukake lose?
4Akatalwa, akaghamba, Tomsomie ti ye ewaarehe kuwoka ewaarehe wa kiume na wa kiche,
5Akaghamba, Hena lwa iyo mundu eneshigha wawee na mee, na enegurana na mche; na weri weneoka muri mwe?
6Huwo si weriwowa, kake muri mwe. Amu iyo Izuwa ekilunganya, mundu asighawe.
7Wamburra, Nize Musa eaghanyie kung’ola khati ya kutana, na kumshigha?
8Awawurra, Musa amu ya kuoka ngoro jenyu jidindie amuingie kushigha wache wenyu; kake too kuwoka si huwo.
9Kake namburra, ti mundu emshigha mche, nde hena kushinda, na kumwaika ungi, ashinda; naye emwaika ula ashighwa ashinda.
10Waanalosha wamburra, Vindu vya mundu na mche vikioka huwo, tokuwe kuaika.
11Akawawurra, Si wose weidima kukiuhia kiteto iki; nde wala weingwa.
12Amu weoho weshaniwe, wewonwa huwo kufuma ndeni ha mee; weohowa weshaniwe weoshwa weshaniwe ni wandu; weohowa weshaniwe wekuosha weshaniwe hena lwa ufumwa wa wanga. Ula aidima kuuhia, auhie.
13Akaetewa hala waana, nesa awagere mikono, na aombe; waanalosha wakawabohia.
14Kake Yesu eghambie, Washigheni waana wadongo, nete musiwaswije, kunizia; amu wala sa awa, wawo ni ufumwa wa wanga.
15Akawagera mikono, akafuma na uko.
16Na yoa, mundu emzia akaghamba, Mlosha, nikini kyedi ninekiareha, nesa niwone moo wa ndarasi?
17Akamburra, Nikini waniwujanya mburi ya kyedi? Mwe niye wedi; kake ukakunda kuingia ghati ya moo, magura maaghanyo.
18Amburra, Mahi? Yesu akamburra, Usikome, Usishinde, Usihiwe, Usichunganje na maongo,
19Uwagurie nganyi waweo na mamako, na, Umkunde walatya wako sa ngoro yako.
20Mbwange amburra, Ama mose namagura: Nikiniwa naduhuka.
21Yesu akamburra, Ukakunda kusheneta, tonga tagha mali yako, urewainga wakiwa; na uneoka na vindu vyedi wanga; izowa, niratera.
22Mbwange ekinasikie kiteto akatonga hakwe na kushiniwa; amu eokie na mali nyingi.
23Yesu akawawurra waanalosha wakwe, Kididi namburra, ti hena wukiwa mmazi eneingia na ufumwa wa wanga.
24Namburrawa, Ni anguhe ngamela avetie iworo la sindano, kukela mmazi aingie na ufumwa wa wanga.
25Wekinasikie waanalosha wakarighiwa muno, wekiteta, Nianiwa aidima kukijwa?
26Yesu ekiwayoa akawawurra, Hena wandu hiki tekidimika, kake hena Izuwa vyose vyaidimika.
27Akatalwa Petro, akamburra, Yoa, uswi twashigha vyose, tukakuratera: tunewona kiniwa?
28Yesu akawawurra, Kididi namburra, ti unywi muniratera, ghati ya kuwoneka kwa keri eneikaeikae mwana wa mundu ghati ya kichumbi cha kirumi chakwe, na unywi muneikaa wanga ya vichumbi ikumi na viri mukijichilia mbare ikumi ja Israeli.
29Na mundu ose eshigha nyumba, kana wandwawo, kana warumburie, kana wawee, kana mee, kana waana, kana miteme, hena lwa izina langu, eneuhia kandu kaighana, na enehodja moo wa ndarasi.
30Kake weingi wa kuwoka weneoka wa kuidiwika, na wa kuidiwika weneoka wa kuwoka.
Currently Selected:
Mattayo 19: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
