Mattayo 16
16
1Wakaza Wafarisayo na Wasadukayo wekimghesha, wakambujanya awawondje luwano lwa kufuma wanga.
2Akatalwa akawawurra, Hekioka chamagheri mwaghamba, Kuhoiya, amu ngundu wanga;
3Na heyawo, Ngungu yoo; amu wanga ngundu na ya majumbi. Mwatisiwa kutwarija wusho wa wanga, kake maluwano ma magheri tomuidima.
4Irika iwiwi na la kushinda laenda luwano, na telineingwa luwano nde luwano lwa Yunus. Akawashigha akatonga.
5Waanalosha wakafika sela ya keri wakaiwaa kutika kidjo.
6Yesu akawawurra, Yoeni na kurindeni hena chachu la Wafarisayo na Wasadukayo.
7Wakateta wonawo, wekighamba, Totutikie kidjo.
8Yesu ekitisiwa akaghamba, Nikini mwateta unywi hena unywi, ti tomuhete kidjo, wenye luitikijo ludongo?
9Tomumetwarija nete tomumakumbuka mabumunda masano ma wandu maghani makumi masano, na mbinda ijo mwajitikie:
10Nete mabumunda mafungate wa wandu maghana makumaane na mbinda ijo mujitikie?
11Nize tomutwarija, ti simtetie mburi ya mabumunda, kake mukurinde hena chachu la Wafarisayo na Wasadukayo.
12Niho wakatwarija ti tetetie ti wakurinde hena chachu la mabumunda, kake hena malosho ma Wafarisayo na Wasadukayo.
13Ekifika Yesu isanga la Kaisaria ya Filipo akawawujanwa waanalosha wakwe, ekiteta, Niani wandu waghamba ti mi mwana wa mundu nimi?
14Wakaghamba, Wengi, Yohana Mbatizaji; wengi, Eliya; wengi, Yeremiya, kana mwe wawo waroti.
15Awawurra, Kake unywi mwanighamba kuoka niani?
16Simon Petro akatalwa akaghamba, We niwe Masihi, Mwana wa Izuwa mwenye moo.
17Yesu akatalwa akamburra, Watasiwa, Simon mwana wa Yunus; amu nyama na sakame tejikujughuiye, nde Apa wangu eoho wanga.
18Nami nakuwurra, ti niwe Petro, na wanga ya ibwe ili ninelijenga kanisa langu, na maluwi ma ahera temenelilela.
19Nakuinga machunguo ma ufumwa wa wanga; na kila unekichunga masangeni kinechungwa wanga; na kila unekichungua masangeni kinechunguka wanga.
20Akawaaghanya waanalosha wasimburre mundu ti niye Masihi.
21Too magheri mala akawoka Yesu kuwawondja waanalosha wakwe ti yambe kutonga na Yerusalemi, na kurishwa wukiwa wingi ni waghosi na wakohani wabaha na watami, na kukomwa, na kurushwa musi wa katatu.
22Petro akamuha akawoka kumbohia, ekiteta, Lusario hako, Mzuri; isioke hako huwo.
23Akagharuka akamburra Petro, Tonga nyuma yangu, Shetani: we mashishiro hangu; amu touvikusara vindu vya Izuwa, nde vya wandu.
24Yesu akawawurra waanalosha wakwe, Mundu ekikunda kuza nyuma yangu, akukanie ngoro yakwe, autike msalaba wakwe, aniratere.
25Amu ula ekundie kukija moo wakwe, eneutesha: na ula eneutesha moo wakwe hena lwangu, eneuwona.
26Amu mundu enebigha mbucha ani, ekiwona hena mbucha masanga mose, ekitesha moo wakwe? Kana nikini mundu eneng’ola hena kukoranya kwa moo wakwe?
27Amu Mwana wa mundu eneza ghati ya kirumi cha Wawee hamwe na malaika wakwe, na magheri mala enewang’olia wose hena ndima jawo.
28Amin namburra, Weoho kunu weimuka, tewenewona kifwa, mtano weneikawone Mwana wa mundu ekiza ghati ya ufumwa wakwe.
Currently Selected:
Mattayo 16: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
