Mattayo 15
15
1Magheri mala wakamzia Yesu kufuma Yerusalemi Wafarisayo na watami, wekiteta,
2Nikini waanalosha wako tewegura mauhio ma waghosi? amu tewekuoja mikono wekila kidjo.
3Akatalwa akawawurra, Nikini na unywi mwalubaa luaghanyo lwa Izuwa hena mauhio menyu?
4Amu Izuwa etetie, Uwagurie nganyi waweo na mamako; na Ula emrigha wawee kana mee ekifwa afwe.
5Kake unywi mwaghamba, Ula enemburra wawee kana mee, Ni itasi, chose mwaidima kuwona hena mbucha hangu,
6Asimgurie nganyi wawee: na mwanyamara kiteto chakwe Izuwa hena mauhio menyu.
7Wakeleki, nezo Isaya emurotia, ekighamba,
8Wandu awa waniguria nganyi na miomo, kake ngoro yawo ni hae hangu.
9Kake waniomba huwo, wekilosha malosho maaghanyo ma wandu.
10Akawaitanga matorano, akawawurra, Sikieni na twarijeni,
11Si kila chaingia itumbuni ha mundu chamgera mundu ikwe; kake kila chafuma itumbuni, iki chamgera mundu ikwe.
12Waanalosha wakaza wakamburra, Watisiwa ti Wafarisayo wakashishirwa wekikisikia kiteto?
13Akatalwa akaghamba, Chose chahandwa, kisihandwe ni Apa wangu eoho wanga, kinekuluka.
14Washigheni; niwo warongori webajike‐meso: ebajike‐meso ekimtika ebajike‐meso, wenegwa iwongoni wose weri.
15Petro akatalwa akamburra, Utuwurre mfwanano na some.
16Akaghamba, Mtano na unywi tomuna kucha?
17Tomutisiwa ti chose chaingia itumboni chatonga matumboni, na chang’olwa ghati ya kubalia.
18Kake vila vyafuma itumbuni chafuma ngoroni; navyo nivyo vyamgera mundu ikwe.
19Amu ngoroni mafuma makusaro mawiwi, kukoma, kushinda, vindu vya mbuyaa, kuhiwa, kuchwia maongo, kurigha;
20Na ama nimo mamgera mundu ikwe. Kake kula esimeoja mikono tokumgera mundu ikwe.
21Na ekifuma uko Yesu akatonga na mbai ya Turo na Sidona.
22Na mche Msamaria wa mihaka ila akafuma akaloza ekiteta, Unisarie, Mzuri, mwana wa Daudi, mwana wangu wa kiche erishwa wukiwa ni luhungu.
23Naye temtalua kiteto. Waanalosha wakwe wakaza wakambujanya wekiteta, Umsame, amu eiya nyuma yetu.
24Akatalwa akaghamba, Siingijwe nde hena maghonji metekie ma nyumba ya Israeli.
25Akaza akamwinamia, ekighamba, Mzuri, unighenje.
26Akatalwa akaghamba, Si chedicho kuuha kidjo cha waana, na kujitaghia nguro.
27Akaghamba, Ee, Mzuri; amu na nguro jila malumong’o megwie mezeni ha wazuri wawo.
28Yesu akatalwa akamburra, Mche, luitikijo lwako ni lubaha; uwone sandu ukundie. Mwana wakwe akahodjwa too saa ila.
29Yesu akafuma uko akafika mbai ya ndiwa ya Galilaya, akakwea nduwini akaikaa uko.
30Matorano meingi wakamzia, wenye wechingilika, webajike‐meso, bubu, virema, na wengi weingi, wakawagera maghuuni hakwe; akawahodja.
31Mtano matorano wakarighiwa wekiwona bubu wekiteta, virema wazima, wechingilika wekisela, na webajike‐meso wekiwona: wakamrumisha Izuwa wa Israeli.
32Yesu akawaitanga waanalosha wakwe akaghamba, Nawasaria matorano, amu ingeriaha waikaa nami misi mitatu, na tewena cha kula; na sikundie mi kuwasama wenye nzaa nesa wasisokea nzieni.
33Waanalosha wakamburra, Tuwonehi shighati mabumunda meingi, mtano kuighusha matorano mabaha sa ama.
34Yesu awawurra, Mabumunda amo muhete? Wakaghamba, Mafungate na nguluma ndongo si nyiingi.
35Akamaaghanya matorano waikae si.
36Akamauha mabumunda mafungate na nguluma, akang’ola haika akabaa, akawainga waanalosha, waanalosha wakawainga matorano.
37Wakala wose, wakaighushwa; wakatika mashighajiko ma malumong’o, mbinda fungate jaizue.
38Wala welie wakaoka wome maghana makumi manne, na wachewa na waana.
39Akamasama matorano akakwea na ngalawa, akaza isanga la Magada.
Currently Selected:
Mattayo 15: TAVETA
Highlight
Share
Copy
Want to have your highlights saved across all your devices? Sign up or sign in
Taveta New Testament, published inportions from 1892 to 1906, by the British and Foreign Bible Society. Psalms was published by SPCK in 1905.
