Genese 26

Isako Gerara i Beera‐sieba leia ve hari

1Ita hohera leipe, hohera lahua, oropa Aberahamo ve hoa la hohera ka lahua. Isako Gerara leia aupe, Abimeleka, Filistia haela ve king ve leia. 2Iehova areve oropa ve hihika leipe kai mariape: “A va Aigupito ka hoaulue; ara aro maeaki ita hiki aeakive. 3Ma ita havahu aeakive, ara e i hareho aeakilai, kai ero lai momorapukilai; ehovea ara ma ita oaria e i eve meavohula ila aiarakilai. Ara ave oa Aberahamo ve ape la okoare, ara e v'ila o iele leikilai. 4Ara ave meavohula kaia ve la kou oaria ve numera hovea lei eapapo leivahaeakilai, kai eve meavohula ara ma ita oaria aiarakilai, kai eve meavohula ve oki ve meahaiapo ve vilaipipi oaria lei mekaka leivahaeakilai. 5Ehovea Aberahamo arave āra iapape, arave oharo iapape, arave pupu i oki veveke ila kiva leivahaeape.”

6Laelave Isako Gerara aeaveape. 7La ita haela areve uva v'ila arero velavela leipe la hoa, are kavale maeape: “Are arave mariloa,” are arero uva rare maeakive oaoka leipe, ehovea are iki maria kekelape, “Ere araro hari ave Rebeka v'ila;” ehovea are maea mekakure iele. 8Are leia haiapo aeaveape, kai hare aea, Filistia haela ve king, Abimeleka, harihu ura ureve Isako i Rebeka ila erau leivila ovohae eavape. 9Abimeleka Isako itavi mariape: “Iapai, are ave uva! A learia maeape, ‘Are arave mariloa’?” Isako arero maeape: “Ehovea ara maria kekelape ‘Ara are v'ila apaki ave’.” 10Abimeleka maeape: “A va elaro learia leipe ha? Elave haela ae ave uva korea la leikilava, a va haiae ve mehau elaro avikiarakilai.” 11Laelave, Abimeleka haela oaria ape karava maeaeape maria: “Ma haela, aka areve uva, mai paeaki la haela le apakilai.”

12Isako la ita ve hae puravai velaripe; kai la hitolo haroapo ureve iele hoa 100 hovea ikaeape. Iehova arero lei morapaeape. 13Are erohoho haela le leipe; areve eharu maeakoko leivahaeape, are va erohoho havahu iele leipe. 14Areve boromakau i mamoe ila hiru oaria, areve lalava haela oaria leivahaeape, laelave Filistia haela arero iki heaha leivahaeape. 15(Areve oa Aberahamo ve hoa areve oa ve horova haela ihavape la ma karu oaria Filistia haela kekele roroapape kai le kokaukape.) 16Abimeleka Isako maeape: “Elave ita harepai; a va aheke iele, ela ka mahuka iele.”

17Laelave Isako leia harepai Gerara ve la hahapa kovo ita avi, lahua aeape. 18Areve oa Aberahamo ve hoa ihavape la ma karu oaria Isako aeka ihavape; ehovea Filistia haela Aberahamo apape hoa la ma karu oaria kekele roroapape; areve oa rare itavape la rare, are aeka la rare itavape. 19Aka, Isako ve horova haela hahapa leia karu ihape kai ma hoho veveke koarape la hoa, 20Gerara mamoe kiva haela Isako ve mamoe kiva haela ape hahari avahaeape; ere maeape: “Ma va elave!” Laelave are ma karu rare Eseka rare itavape, ehovea ere are i hahari avahaeape. 21Ere ma karu aea ihape; ere va la ma v'ila hahari avahaeape; are arero rare Sitana rare itavape. 22Are kai leia harepai ita aea ma karu aeva ihape, kai leia ere va hahari au aila; laelave are arero rare Rehobota rare itavape, kai mariape: “Ma hoa Iehova elave ita hovea hovea avikiara; ela ma ita ve lei mekaka leivahaeakilai.”

23Are leia harepai Beera‐sieba pekape. 24Iehova oroa hoa areve oropa ve pavi mariape: “Ara va ave oa Aberahamo ve Aualari; oaoka kalailue! ara a i hareho aeavila, ara aro lei morapaeakilai, ave meavohula maeakoko leivahaeakilai, ehovea arave horova haela Aberahamo ve harihari.” 25Laelave are have arura haha ukape, Iehova ve rare morapaeape, kai areve kovo uvi kara leia kupe. Isako ve horova haela ma karu aea leia ihape.

Isako i Abimeleka apavara leipe

26Abimeleka i areve hukapaki haela Ahusata Gerara harepai Isako ve leia aupe, areve maora haela ve kapena Pikola kara. 27Isako erero maeaeape: “E va arave ukai leikevahaeaila ehovealeve, ehovea e va araro haure lei araro overa avakape?” 28Ere maeape: “Ela hihika eavape, Iehova aro hukapa hiki, laelave elave oharo maria; elaviila okoare avahaeakilai, elaviila haiapo aeaki okoare avahaeakilai, heroe, 29e va elaro heaha leivahaea va ka, hovea hovea ela kara aro mai au paeaila, kai aro lei veveke hiki lei havila ila paraeape. A va ma hoa Iehova ve ikivere haela.” 30Laelave are ereve hurae leipe, ere i hareho eapai i ma ila lalavahaeape. 31La opoa vevelare ere vevelare havahu urahuka elarelare okoare avahaeape. Isako erero oki ve paparaehape, ere havila ila arero harepai auvahaeape. 32La hare havahu Isako ve horova haela ere ihape la koru ve oharo arero maeape; ere kai arero maeape: “Ela ma le koarai.” 33Are arero rare Siba rare itavape; laelave la hoa ikiki ma hoa la karikara ve rare va Beera‐sieba.

Esau ve uavila orahokaila

34Esau hitolo 40 hovea leipe la hoa are laeape Hiti haela Beeri ve mari Iudita, aeva Hiti haela Elona ve mari Basemata; 35ere va Isako i Rebeka ila ve ovokake heraho eapapo leipe.

Currently Selected:

Genese 26: ORO

Highlight

Copy