Genese 14
14
Aberamo Lota lei makuripe
1Amarapela, Sinara ve king, Arioka, Elasara ve king, Kedoralaoma, Elama ve king, Tidala, Goima ve king ila ve hoa, 2Ma king oaria va Bera, Sodoma ve king, Birisa, Gomora ve king, Sinaba, Adama ve king, kai Semeba, Seboiima ve king, kai Bela ve king (la va Soara) mare avahaeape. 3Ma haela oaria Sidima hahapa leia hoa haroapo korukaiavahaeape, (la va Ahea Ma Kaikara). 4Ere va hitolo 12 Kedoralaoma koaravahaeape, aka 13 hitolo ere arero haure leipe. 514 hitolo Kedoralaoma i are i hareho loape la king oaria iki Aseterota?-?karenaima ve Repaimi haela kai Hamu ve Susi haela, kai Save?-?kiriataima ve Emi haela, 6kai Seira kela ve la Hori haela aiai hoa El‐parana, huakara ve hoa haruapape. 7Kahara, ere leia ve helaripe, kei Ene‐misapata (la va Kadesa) ekevahaeape; ere Ameleka haela ve ita eapapo kai Hasasona‐tamara apearoape la Amori haela oaria hahari lei heaorapape. 8Kahara, Sodoma ve king i Gomora ve king i Adama ve king i Seboiima ve king i Bela ve king (la va Soara) horeavape; ere va Sidima hahapa leia mare avahaeape. 9Ere va Kedoralaoma, Elama ve king, kai Tidala, Goima ve king, kai Amarapela, Sinara ve king, kai Arioka, Elasara ve king, mare avahaeape, ukai king 4, ukai king 5. 10Sidima hahapa va pikuru pakara koru oaria iele; Sodoma i Gomora ila ve king vivilavahaeape la hoa uku haela la pikuru pakara koru ureve hohoape, uku kela ve leia vivilavahaeape. 11Ereve iri haela Sodoma i Gomora ila ve eharu oaria kailape, ere ereve eapai eharu ila kara kailape, kai elare oki auvahaeape; 12ere va Lota kara, Aberamo ve arivu, laeape, ehovea are Sodoma aeaveape, kai areve eharu oaria kara ere kaili aiaupe.
13Kahara, ovokake lei hukaupe haela aea iki Heberu haela Aberamo la oharo kileape; Aberamo va Mamere ve havuhu kora maeamaea ve leia, Amori haela Esekela i Anera ila ve apoheari ve ita heheapa aeaveape. 14Aberamo Lota laeape la oharo iapape la hoa, are areve hevehe haela, elare uvi erape haela la, hareho haela 318, kari auvahaeape, kai iri haela haruapape, hoa Dana leia. 15Oroa hoa are elare haela hamureape, are i areve horova haela; are erero heaorapai haruapape aiai Hoba, Damaseka ve paipai hoa. 16Are eharu oaria aeka avape, kai areve arivu Lota i eharu oaria ila kailape, areve uavila i haela oaria ila kara.
Melekisadeka Aberamo lei morapaeape
17Aberamo Kedoralaoma i king oaria ila oropa heaorapape, aireaki Sodoma ve king arero Save hahapa (la va King ve Hahapa) koarape. 18Kahara, Melekisadeka Salema ve king iki pai i wine ila aikihoahukape; are va Akea Iele Aualari ve arura haela. 19Are arero lei morapaeape kai mariape: “Akea Iele kaia i meahaiapo ila karikipe la Aualari Aberamo lei veveke leiki; 20Akea Iele Aualari lei morapaeaki, ehovea are ave iri haela ave mai ve aiarape,” Kahara, Aberamo eharu oaria hamureape, hiru 10 ila, kai hiru haroapo arero avarape. 21Sodoma ve king Aberamo maeape: “Haela hiki araro hela aikiaraki, a havahu eharu oaria aeakive,” 22Aka, Aberamo Sodoma ve king maeape: “Ara va Akea Iele Aualari, kaia i meahaiapo ila karikipe la Aualari, okoare ape; 23Ela haroapo kai loa iilu ve ela haroapo, kai eharu aea ara aea va ka, a va maria ari ave ‘Ara Aberamo lei erohoho leipe.’ 24Ara va eharu aea va ka, harokou haela lalavahaeape la eapai hiki, kai ara i hareho auvahaeape la haela ve eharu hiki; Anera, Esekola, i Mamere ila, ereve hiru hiki aeakive, heroe.”
Currently Selected:
Genese 14: ORO
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1963-1972
