Horova 6

Diakono haela 7 hareavape

1Ma hoa iki kelavape haela oaria iele leivahaeape, Greek haela uku Jew haela hihiri leivahaeape, ehovea hare oaria eapai meru hamureape la haela, ereve uavila maitava uku iki au kekelaila. 2Haela 12 iapavahaeaki haela oaria korukai mari maeaeape, Hovea ka, ela Aualari ve oharo arive horova hakurepa eapai horova leikive. 3Laelave, apavara, eve haela 7 haropaki, mai ehohoe haela, Ove i ikiore la haela 7: ela erero mai horova kiva leikive maeaeakilai. 4Ela va ivaiva i iroro arive la horova kiva auhohi leivahaeakilai. 5Haela oaria la oharo ikivere leipe. Ere hareavape haela ae va Stephen, ikikekela aheke i ove veveke ila haela, aeva Philip, i Prochorus i Nicanor i Timon i Parmenas i Nicolas, Antioch ve Judea mai leivila haela. 6Ere ma haela aposetolo haela ve oropa kari ekevahaeape: ere ere v'ila ivaiva leivahaeai mai koharape.

7Aualari ve oharo aheke lei Jerusalem apealula kilea haela maeakoko leivahaeape. Oharo haela perehekai oaria kara iapai iki kelavape.

Haela Stephen hahari leipe

8Stephen Aualari ve iki aheke ila ihova i horova ehoaha oaria haela v'ila leivahaeape. 9Uku synagogue haela, ereve hiru rare Libertines, i Cyrene Jew haela uku, i Alexandria Jew haela i Cilicia Jew haela i Asia Jew haela ila — Stephen oharo hahari avahaeape. 10Ereve la hahari oharo areve iki ore i ove ila heaorapakive hovea au leila. 11Laelave ere haela uku kari ekevahaeape ehovea mari maeaeakive, Ela va iapape are Moses i Aualari v'ila o heaha maeaeape. 12Ere karikara haela i haela hoaha i hohoa haealula haela kurupaeape, ehovea arero mai pai council ve oropa ve lai ekekive. 13Ere haela uku kari ekevahaeape, ehovea opore oharo vavavakive maria, Ma haela mea oaria ma hehe ita i pupu ila o heaha avila. 14Ehovea ela areve oharo iapape maria, Ma Iesu Nazareth haela ma ita kopararapai Moses elaro aiarape la pupu veveke koelarikilai. 15Council avape haela oaria areve oropape aneru ve oropape hovea hovea eavape.

Currently Selected:

Horova 6: ORO

Highlight

Copy