Lamentaciones 5
5
Yo'obal sc'oplal ti j'ac'-ic'al me'inale
1Vulesuncutic ta avo'nton un, Dios, ti vi s'elan c'ot ta jtojolcutique.
Ac'o talel asat un, ti q'ue s'elan ta xilic ti jvocolcutique.#Sal 44.9-26; 74; 79.
2Scotol ti c'usi x'ayan cu'uncutique och xa ta yoc ta sc'ob ti jyanlumetique.
Ti jnacutic une c'ot ta snaic ti jnaclejetique.
3Lic'otcutic ta me'un olol, ch'abal ti jtotcutique, co'ol s'elan junuc me'unal ants com ti jme'cutique.
4Ta jmancutic ma' ti vo' ti cu'uncutic to oxe.
Ti bu ta jsa'cutic si' ti cu'uncutic to oxe, ta jtojcutic yo' ta jsi'incutic.
5Tsots ta j'ech'el ti ta xi'abtejcutic yu'unique.
Xilubcutic xa ta j'ech'el, mi jutebuc xac' jcux co'ntoncutic.
6Yo' ta jta ti jve'elcutique, ta jchon coc jc'obcutic ta stojol ti egipcioetique xchi'uc ti asirioetique.
7Mu'yuc xa cuxul ti jtot jme'cutic laj sa' ti smulique.
Tana une, jcuchojcutic com ti bu jelavique.
8Tana une, li'ochcutic ta mosovinel.
Mu'yuc buch'u junuc xispojuncutic loq'uel ta yoc ta sc'obic.
9C'alal ta jsa' ti jve'elcutique, jujuti' xa mu ta xcac' o jol jbaquilcutic yu'un ta scoj ti j'ac'-letoetic ti oy ta sbajtical banomile.
10Ta scoj xmich'mun ta xac' ti vi'nale, ic'al c'abinuncutic ta q'uelel ta scoj ti sc'ac'al sicale.
11Ti ta Sione xchi'uc ti ta jteclumetic yu'un ti Judae, c'alal ta antsetic, ta uni tsebetic, laj yich'ic ilbajinel.
12Ti banquilaletic cu'uncutique, chucul sc'obic joc'ajtic laj lajuc yu'unic;
ti moletique mu'yuc xa stu ilatic.
13Tiq'ueic ta sjoyoyinel sjuch'el sat ts'unubil ti viniquetic ti oy lec yipique;
ti jva'lej viniquetic une, ac'bat xcuchic si' ti bu xa c'alal xlic yu'unique.
14Ti moletic ich'bil ye sti'ique, ch'abal xa vololic ta ochebal sti'tac ti jteclume;
ts'ij xi ma' ti xvochetic no'ox ta q'uejimol ti jva'lej viniquetique.
15Mu'yuc xa xmuyubaj ti co'ntoncutique;
joybij ta at-o'nton ti xibitcutic to ox ta ac'otajel yu'un ti muyubajele.
16Na'tic to bu c'alal ts'e'el c'ot ti cutsilal jlequilalcutique.
C'u no'ox cha'al jech libatcutic ta scoj laj jsa' ti jmulcutique.
17Jech o xal xtuch'et ti co'ntoncutic ta scoj une, ti ic'uneb ti osil banomil ta xca'icutic yu'une.
18Ti vits Sione, stuc xa slilijemal busul;
ti bu taje, xloc' x'och no'ox ti vetetique.
19Ti vo'ot une, Dios, sbatel osil Ajvalilot,
j'ech'el chotolot o ta apasob mantal.#Sal 102.12; 145.13; 146.10.
20¿C'u cha'al j'ech'el laj atenuncutic comel ta avo'nton?
¿C'u cha'al ech'em no'ox sjalil jipbil tenbiluncutic avu'un un?#Sal 74.1.
21Joybinuncutic talel ta atojol un, Cajval, ta xisutcutic talel.
C'otuc to ta jtojolcutic avu'un un jech c'u cha'al jcuxlejalcutic to ox ta ba'yele.#Sal 80.3-7; Jer 31.18.
22Le' une, j'ech'el bajbil tenbil lic'otcutic avu'un;
yepal no'ox ti sc'ac'al avo'nton lamal vul ta jtojolcutique.
Currently Selected:
Lamentaciones 5: TZC00
Highlight
Share
Copy
Want to have your highlights saved across all your devices? Sign up or sign in
Biblia en Tzotzil de Chamula, Chiapas, México © Sociedad Bíblica de México, A.C. 2000
