Ifa Anó da aŋwaʼanayn zəŋ
Anó da aŋwaʼanayn zəŋ
Aŋwaʼanayn zəŋ ti asin zənə ukən chuŋ ŋunə Luk ŋwaʼanayn nwi akuŋ. Luk ŋwaʼanayn aba abú wa kyayn Tiyofilus. Ingo anó da aŋwaʼanayn zəŋ amə da umugə azugə zayn zayn aghəy kwi ba Kristo imbey saŋa ukən chuŋ da uŋwən ungɨŋ “Yerusanem, ungɨŋ usin jum mbənə umə Judiya foro ungɨŋ usin jum mbənə umə Samariya anigə iŋu pey akə inwi isəg 1.8.” Afaʼa ba tom Kristo amə unó mbənə mbə aghəy iti Amaʼazənə Kristo ŋu azobo iŋu pey Amaʼazənə Pol ghayn ukən chuŋ á Rom.
Aŋwaʼanayn zəŋ amə da umugə ufere ba Kristo ti akaʼa ba Jû si beŋe amə anó nu ba jum ungɨŋ isəg niŋi ikon ma igun. Mbə́ mə́ nwini inya ughəw ba Kristo amaʼa wu. Aton zənə Pol ŋwaʼanayn amə ighəy kwi ba kyay kwi cha ba Kristo di zaʼa ma da izoŋ gomen ba Roman.
Utəw unó ungɨŋ aŋwaʼanayn zəŋ
Ba-tom Kristo tana nji ni saŋa ukən chuŋ 1.1-26
Yeso kaʼ mbə məŋə-anó 1.1-14
Wa ŋunə yə́ jəg atən Judas 1.15-26
Ba-tom ghayn ukən chuŋ á Yerusanem 2.1–8.3
Ba-tom ghayn ukən chuŋ á Judeya foro á Samariya 8.4–12.25
Unó mbənə Pol aghəy 13.1–28.31
Iyeŋ imbəy 13.1–14.28
Ba-tom Kristo yimə ufere kyayn á Yerusanem 15.1-35
Iyeŋ zənə iŋu pey akə ibigə 15.36–18.22
Iyeŋ zənə iŋu pey akə ita 18.23–21.16
Pol mə́ andəŋ á Yerusanem, a Kayisariya, á Rom 21.17–28.31
Currently Selected:
Ifa Anó da aŋwaʼanayn zəŋ: NGI
Highlight
Share
Copy
Want to have your highlights saved across all your devices? Sign up or sign in
© 2023 CABTAL