Yohane 10

Niphwanaphwaniho na mbusa

1Yesu aallota wi, “Ddawoona, kinimuulleellani wi, muthu ahinavollowella va mullako wa nikholla na enkhosa koma anawellella vamodda vene, yooyo tti mullupaawiiya ni awaakha. 2Koma muthu anavolloweella vamullakoni, yooyo sika mbusa a enkhosannddo. 3Oowehera a vamullakoni annamuhullella mullakooyo nave enkhosa ddinniiwa mawaaye. Annaddiithana enkhosa ddayennddo manddiniiwa nave annaddihoollella vaatte. 4 Addikhumiha ddittheddene, annaddihoollella nave enkhosannddo ddinnamuthwara kaambiiwa ddinnadduwella mawaaye. 5Khaddimuthwara mulleto koma ddineeromuthawa olliyooyo kaambiiwa khaddinadduwella mawu a mulletooyo.”

6Yesu ahaalleella niphwanaphwaniho nenna koma khayaawiiwesesille ottaphullella wene.

Yesu, mbusa aphaama

7Vano Yesu aallotattho wi, “Ddawoona, kinimuulleellani wi, miyaano tti mullako wa enkhosa. 8Attheene yawiille kihinawe miyaano tti allupaawiiya ni awaakha nave enkhosa kheddaawiiwellelle yaayo. 9Mi tti mullako. Ayo enavollweella va miyaano aneerovullusiwa. Eneerekovollowa nave eneerekokhuma nave eneerekophwanya munyepu. 10Mullupaawiiya anawa wi iiye, iiphe ni woononga. Koma kaawa wi ddikhalle ni okumi wawaata.

11“Mi tti mbusa aphaama, oyo anapaalla okhwa ekaamba ya enkhosa. 12Nave mullupa mutteko oyo ahiri mbusa navettho oyo ahiri mwaneena a enkhosannddo, oona enama yawoopiha ewaaka annahiya enkhosannddo athawa. Sika enama yawoopiheeyo ennaphara enkhosannddo ni oddipallallesa. 13Mullupa muttekoolle annathawa kaambiiwa tti mullupa mutteko nave khanapwathawo dda enkhosannddo. 14#Mat 11.27; Luk 10.22Mi tti mbusa aphaama. Kinnadduwella enkhosa ddaka nave enkhosannddo ddinnakidduwella. 15Emoddamoddave yeeyo Attiitthaaka ennakidduwella nave miyaano kinnaadduwella. Nave kinnapaalla okhwa ekaamba ya enkhosa. 16Nave kookhallattho ni enkhosa ddimodda ddoohikhalla dda nikhollanna. Kinaphwanella kiddikusettho ddenndda nave ddineerewiiwa mawaaka. Ddineerokhalla#10.16 Ddineerokhalla: Ddoolemba ddimodda ddakhalle ddookhalla ni mawu awi Oneerokhalla. mulloko mmodda ni ddimoddannddo ni mbusa mmodda.

17“Attiitthaaka ennakikonda kaambiiwa kinnapaalla okhwa wi kaakhellettho okumaaka. 18Khaavo muthu anaakaakhe okumaaka. Kinawuvelleella moopaalla meekhaaka. Kookhalla ni olamulello wowuuvelleella navettho kookhalla ni olamulello woowaakhella. Ella sika Attiitthaaka yaakilamulalliiwa wi keere.”

19Mawu yaalla yaaweeriha Ayuda wi evaanyihane. 20Anchichi mwa yaayo yaallota wi, “Yoolla ookhalla ni munepa woonanara nave tti mullupaanepa. Munamwiiwellellella tini?”

21Koma amodda yaallota wi, “Muthu ookhalla ni munepa woonanara khanallota mwawi ddiidda! Munepa woonanara ttuuwora omweeriha muthu oohoona wi ooneke?”

Ayuda enamukhoota Yesu

22Vano mu Yerusalemu mwaakhalla Ehakallallo yawuupuwella dda weellihiwa wa enyumba ya Mulluku. Enthawi yeeyo yaari eyitta. 23Vano Yesu aaneeteeta mu nikhote nooromolliwa wi Nikhote na Solomoni mu enyumba ya Mullukweeyo. 24Ayuda yaatthukumana moomwaapheella emukoha wi, “Munaanikayikiheke ophiyera niini?” Mwaari Mesiya* nilleelleni ddawoona.

25Yesu ahaakhulla wi, “Kahuulleellani koma khamunakikhulupilila. Ddeko nndda kineereemi mu olamulello wa Attiitthaaka, ddinnavelleella omboni. 26Koma nyuwaano khamunakikhulupilila kaambiiwa nyuwaano khe enkhosa ddaka. 27Enkhosa ddaka ddinniiwa mawaaka, kinnaddidduwella nave ddinnakithwara miyaano. 28Nave kinnaddivaha okumi woohimalla, khaddiwa ddikhwa. Khaavo muthu anaakaakhe ddennddo ovenyera mu nnatta naka. 29Ddeko nnddo Attiitthaaka ekivahilliiwa tti dduullupalli okhwaranya ddeko ddittheddene.#10.29 Ddeko…ddittheddene: Ddoolemba ddimodda ddakhalle ddookhalla ni mawu awi Attiitthaaka ayo yaakivahille ddennddo tti uullupalli ookhwaranya attheene. Nave khaavo muthu anaawore waakha ddennddo ovenyera mu nnatta na Attiitthaaka. 30Miyaano ni Attiitthaaka niri amodda.”

31Ayudaayo wiillittho yaatota malluku wi emuvokhe wi emwiiphe. 32Yesu ahaakoha wi, “Koowoonihani mitteko ddaphaama ddinchichi ddoovenyera wa Attiitthaaka, mwa mitteko ddenndda ttuuvi munapaalleenyu okivokhella malluku?”

33 # Lev 24.16 Ayudaalle yaamwaakhulla wi, “Khaninuuvokha malluku ekaamba ya mitteko ddaphaama koma kaambiiwa onamullotella epewe Mulluku.” Vawi weyaano tti muthu koma onaddeera wi ori Mulluku. 34#Mas 82.6Yesu ahaakhulla wi, “Moolembiwa m'malamulwaanyu wi Mulluku aallota wi, ‘Nyuwaano tti milluku.’ 35Ninnadduwella wi mawu a Mulluku enallota ddawoona enthawi ettheene. Nave Mulluku ahaaromolla athu ayo aavahilleeye mawaaye, milluku. 36Attiitthaaka yaakeelliha nave yaakirumiha mu ellapo yavatthi. Vano munallotella tini wi kinnamullotella epewe Mulluku kaambiiwa kaallota wi miyaano tti Mwaana a Mulluku? 37Kaaheeraka mitteko ddoovenyera wa Attiitthaaka, muhikikhullupilile. 38Koma kaarimi keeraka mitteko ddoovenyera wa Attiitthaaka naari muhikikhulupililaka, mukhulupilileke mitteko ddaka wi mudduwelle ni wiiwesesa wi Attiitthaaka eri mwa miyaano nave miyaano kiri mwa Attiitthaaka.” 39Yaapaallattho omphara olliye koma ahaathawa.

40 # Yoh 1.28 Nave aavenyavottho aya okhopella wa Yordani onipuroni nko khalle Yohane aambilleeye obatiza nave aakhalla wenko. 41Nave athu anchichi yaawa wa olliye enallota muthu ni mukhwaaye wi, “Yohane khenre erive yoottikhiniha koma erive ello aallotilleeye dda yoolla yaari yawoona.” 42Nave athu anchichi wenko yaamukhulupilila Yesu.

Currently Selected:

Yohane 10: MW2019

Highlight

Copy