Deuteronomio 27
27
Na ỹoreta'oguit nouaxanaxaset cá'maq se no'uen ca ỹo'uet
12Ca qamiri ma' ime paguiỹa'ta aso lachiugue Jordán, ca' na llaalqaipi so Simeón, Leví, Judá, Isacar, José chaqai so Benjamín, ná'ogue na'maxare hueetalec ma'le añi quemaralec qa' ladocai leenaxat Gerizim, qaiyi chicqochigui ca nqouagaxa ná'ogue na qomyipi. 13Ca' na llaalqaipi so Rubén, Gad, Aser, Zabulón, Dan chaqai so Neftalí, ca na'maxare hueetalec ma'le ada qa' ladocai Ebal, qaiyi taalec cá'maq qaỹa'xat nouaxanaxaset quiyim 'ue ca qaỹo'uet. 14Ca' na llaalqaipi so Leví chaqaina ná'maq retaqaugui ma'le so lauo' laseripi liỹa llaalqaipi so Israel quiyim ỹaatqajam netenegue da la'qaatec, 'neetasa':
15Ñi qota'olec ỹo'uet ca nouaxanaxaset cá'maq ỹo'uet ca lashiilec, icaxajta' ca lecat, ỹo'uet ca ladenqatec nqolac ca lecat lo'o, chaqai quiyim ỹa'ue ca illa'ñi qam ỹoxochichiguiñi, ca ñi qara'gaxala' ỹaatqajam se nqo'ta. Ca ná'ogue na qomyipi 'naac: Ca' chaqaida 'neeta dajo.
16Ñi qota'olec ỹo'uet ca nouaxanaxaset cá'maq se nqo'ta ca leta'a chaqai aca late'e. Ca ná'ogue na qomyipi 'naac: Ajá'a, chaqaida 'neeta dajo.
17Ñi qota'olec ỹa'ue ca nouaxanaxaset cá'maq nqo'naxatec ca lqodoc ca na'laua, ca nqo'naxajta' ca na'laua ca la'aayaxaua. Ca ná'ogue na qomyipi 'naac: Ajá'a, chaqaida 'neeta dajo.
18Ñi qota'olec ỹa'ue ca nouaxanaxaset cá'maq ỹit nqai'en ca llic ca qai'laq. Ca ná'ogue na qomyipi 'naac: Ajá'a, chaqaida 'neeta dajo.
19Ñi qota'olec ỹa'ue ca nouaxanaxaset cá'maq ỹo'uet ca se ỹa'maxañi queca ỹoqa'a ca chicqa'gue, loqo'm aca pa'ỹe, loqo'm ca na'peloq. Ca ná'ogue na qomyipi 'naac: Ajá'a, chaqaida 'neeta dajo.
20Ñi qota'olec ỹa'ue ca nouaxanaxaset cá'maq lapa'ñi' aca loua ca leta'a, ma' quedajo, ca i'naari' ca leta'a. Ca ná'ogue na qomyipi 'naac: Ajá'a, chaqaida 'neeta dajo.
21Ñi qota'olec ỹa'ue ca nouaxanaxaset cá'maq nanoiquiñiguit ca isecỹac. Ca ná'ogue na qomyipi 'naac: Ajá'a, chaqaida 'neeta dajo.
22Ñi qota'olec ỹa'ue ca nouaxanaxaset cá'maq lapa'ñi' aca lqaỹa, 'eno'm chi leta'añaxaua, loqo'm chi late'eñaxaua. Ca ná'ogue na qomyipi 'naac: Ajá'a, chaqaida 'neeta dajo.
23Ñi qota'olec ỹa'ue ca nouaxanaxaset cá'maq lapa'ñi' aca ni'ỹoqoro. Ca ná'ogue na qomyipi 'naac: Ajá'a, chaqaida 'neeta dajo.
24Ñi qota'olec ỹa'ue ca nouaxanaxaset cá'maq ỹalauat quiyim i'laxateta ca liỹa. Ca ná'ogue na qomyipi 'naac: Ajá'a, chaqaida 'neeta dajo.
25Ñi qota'olec ỹa'ue ca nouaxanaxaset cá'maq qaishiuetenta quiyim ỹalauat ca liỹa quiyim qaica ca lasauaxaset. Ca ná'ogue na qomyipi 'naac: Ajá'a, chaqaida 'neeta dajo.
26Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.
Currently Selected:
Deuteronomio 27: MCV91
Highlight
Share
Copy
Want to have your highlights saved across all your devices? Sign up or sign in
Antiguo Testamento Corto y Nuevo Testamento en Mocoví, La'qaatqa ñi Qota'olec - Qota'olec Novita Na Qomyipi © Sociedad Bíblica Argentina, 1988, 1991.