Exodo 15

Moisesmi Tayta Diosta alawan

1Chaymi Moiseswan jinantin Israel caśhtacunaca Tayta Diosta alawapäcula cay nil:

“Tayta Dios alawaycälishayqui taquicunawan;#Apo 15.3.

jatun munayniquitam camalaycachinqui;

lamarcämanmi cawallucunäta sillädantintawan wicapalpülunqui.

2Callpanchamäní, libraycamäní#Sal 118.14; Isa 12.2.

Tayta Diostam taquicunawan alawaycú.

Pay Taytallätam alawaycú. Awquillücunap

Tayta Diosnintam altuman juluycú.

3 Tayta Diosmi tacyaycul pilyäca.

Paypa śhutin Tayta Diosmi.

4Faraoncäpa carritantawan, lluy nunantam mayüman wicapalpülun.

Cachacuncunap sumä allinnin mandänincunapis Puca Lamarcäćhümi anuälälin.

5Jundu yacümi millpacalpun;

luminümi yacup lulinman jiꞌacalpälin.

6 Tayta Diosllay, allï maquiquiwanmi

sumä munayniquita camalaycachinqui;

allï maquiquiwanmi ćhïnicüniquita mana cäman muyüchinqui.

7Jatun munayniquiwanmi cuntrayqui

śhalcücunäta mana cäman muyüchinqui.

Piñacuyniqui walaypa-walayaptinmi päśhactanu lluy camacaycülunqui.

8Chuśhnayllayquiwanmi yacucunäpis wicman cayman laquicacülun.

Yacuca murällanümi śhaycülun;

lamarcäpa ćhawpinćhümi yacuca tacyälun.

9“Ćhïnicücäñatacmi nin:

‘Chalanäcamam atishä;

imanpis cänincunactam

maćhaycunanchiccama lluy aypunacüśhun.

Ispädäta jululcul quiquïmi maquïwan

mana caśhanman muyüchishä’ nil.

10Ñatac sumä pücäluptiquim lamarca ñiticalpula.

Jïrrunümi sumä-sumä yacüman jiꞌacalpälila.

11¿Tayta Diosllay, lluy taytachacunäpi mayanmá amnuꞌa juc canman?

¿Amnu sumä munayniyu chuya mayanmá canman?

Sumä-sumäcunacta lulaycümá canqui;

äśhalayllaman camanacunacta lulaycümá canqui.

12Maquiquita chacchaycuptiquim

allpaca millpacalpun.

13Llaquipayniquiwanmi cay libraycapämäśhayqui malcacta puśhaycälimanqui.

Jatun munayniquiwanmari limalicuśhayqui

chuya caśhayquiman puśhaycälimanqui.

14Jinantin pachäćhu nunacunaca uyalipäculmi chucchupäcunꞌa;

Filisteo läducunaćhümi nanayca muyucunꞌa.

15Edom malcap puydïnincunam sumä-sumä manchaculcanꞌa.

Moabpa puydïnincuna manchacuypïtam chucchupäcunꞌa.

Jinantin Canaanćhu cäcunämi ćhinaśhyapäcunꞌa.

16 Tayta Diosllay, jatu-jatun manchacuy,

chucchuy paycunaman ćhächun.

Sumä jatun munayniquiwan luminu

mana limapacullal capäcuchun,

cay juluycuśhayqui malcayqui pasapäcunancama;

17 Tayta Diosllay, anmi yaycaycachil

chuya ulꞌuyquiman taycaycachinqui.

Chay limalicuśhayqui chuya caśhayquimanmari ćhulaycunqui.

Chay lulaśhayqui yaćhaśhayquimanmari yaycaycachinqui.

18 Tayta Diosmi wiña-wiñaypä mandacunꞌa” nil alawapäcula.

19Ñatac Faraonca lluy carritancunawan, sillädancunawan lamarcäman yaycälälimuptinmi Tayta Dios paycunap jananman lamarta cutiycächila. Israel caśhtacunäñatacmi ichá chaqui lamarllap chimpapäcula.

20Chayćhümi Aaronpa panin willacü Maria#15.20 Maria waquinnin isquirbishacunaćhuꞌa “Miriam” nipäcunmi. tinyacta chalaculcul cushicuypi alawäla. Jinaptinmi lluy walmicunäpis cushicuypi ipanta tinyaśhtin paćhcaycaćhaśhtin atipäcula. 21Mariañatacmi caynu taquila:

“Tayta Diosllay, alawaycälishayqui taquicunawan.

Jatun munayniquitam camalaycachinqui;

lamarcämanmi cawallucunäta sillädantinta wicapalpülunqui” nil.

Ćhacćha yacuctam mishqui yacuman muyuchin

22Chaypïtam chay Puca Lamarpa patanpi Israel caśhtacunäta Moises pasächila chunyä Shur nishan läduman. Chay chunyä ulꞌüćhümi yacucta mana talil quimsa muyun pulipäcula. 23Chaypïtam Mara#15.23 Mara ninanꞌa “ćhacćha” ninanmi. nishanman ćhälälin. Chayćhu yacuca ćhacćhacuptinmi upyapäcunanpä mana allinchu cala. Chaymi ćhacćhacü malcawan śhutichälälila.

24Chayćhümi Moisesta israelcunaca nicuyalcan: “Cayćhu ¿imactam upyaśhun?” nil. 25Chaymi Tayta Diosta Moises mañacuptin juc jaćhacta licaycachin. Chayta yacüman jitalpuycüluptinmi yacuca mishquiman muyülun. Chayćhümi Tayta Dios israelcunäta imanuy capäcuśhantapis licaycul camachicuynincunacta uycula.

26Chaymi Tayta Dios nin: “Tayta Diosniquim yaꞌa cayá. Sïćhuśh yaꞌacta uyalicamal allinta lulaycäliptiquiꞌa, jinaman nishäcunacta, camachicuynïcunacta lulaycäliptiquiꞌa Egipto nunacunäman ishyay uśhäcunäta manam mayannintapis amcunaman ćhaycälichishayquichu. Yaꞌa Tayta Diosniquim allinyaycachïniqui caycú” nil.

27Chaypïtam Israel caśhtacunaca Elim läduman ćhälälin. Chayćhümi ćhunca ishcayniyu (12) pucyu, anćhish ćhunca (70) palmïra jaćha cala. Chay yacucunap patanćhümi jamapäcula.

Currently Selected:

Exodo 15: QVW

Highlight

Copy