Popular Bible Verses from Exodo 15

Share

Chaymi Tayta Dios nin: “TAYTA DIOSNIQUIM yaꞌa cayá. Sïćhuśh yaꞌacta uyalicamal allinta lulaycäliptiquiꞌa, jinaman nishäcunacta, camachicuynïcunacta lulaycäliptiquiꞌa Egipto nunacunäman ishyay uśhäcunäta manam mayannintapis amcunaman ćhaycälichishayquichu. Yaꞌa TAYTA DIOSNIQUIM allinyaycachïniqui caycú” nil.

Callpanchamäní, libraycamäní TAYTA DIOSTAM taquicunawan alawaycú. Pay Taytallätam alawaycú. Awquillücunap Tayta Diosnintam altuman juluycú.

¿TAYTA DIOSLLAY, lluy taytachacunäpi mayanmá amnuꞌa juc canman? ¿Amnu sumä munayniyu chuya mayanmá canman? Sumä-sumäcunacta lulaycümá canqui; äśhalayllaman camanacunacta lulaycümá canqui.

Llaquipayniquiwanmi cay libraycapämäśhayqui malcacta puśhaycälimanqui. Jatun munayniquiwanmari limalicuśhayqui chuya caśhayquiman puśhaycälimanqui.

Chaypïtam Mara nishanman ćhälälin. Chayćhu yacuca ćhacćhacuptinmi upyapäcunanpä mana allinchu cala. Chaymi ćhacćhacü malcawan śhutichälälila. Chayćhümi Moisesta israelcunaca nicuyalcan: “Cayćhu ¿imactam upyaśhun?” nil. Chaymi TAYTA DIOSTA Moises mañacuptin juc jaćhacta licaycachin. Chayta yacüman jitalpuycüluptinmi yacuca mishquiman muyülun. Chayćhümi TAYTA DIOS israelcunäta imanuy capäcuśhantapis licaycul camachicuynincunacta uycula.