Marki Da yiri-a ǹ boo
Da yiri-a ǹ boo
Marki sɛ́wɔ na á n kiɛ̃ á n dia Krita a kialandɛnan la. Ǹ tumaa bie ǹ nə́ goã Zuifun lɛa wa. Sɛ́wɔ lɛ gɔ́ɔ̃ nɛ, Marki n nyɛɛ wɔ nɛ mà batɛmu-dali, ZAÃ na á batɛmu da Yezu ganaa. A n nyɛɛ wɔ-n doo mà Sɛtaan nə́ n da a gɔ́ɔ̃ li diə ne á fɔ̃ li. Bɛ kio, Yezu goã minin darɛɛ, á n busulən kaka koe. A na á goã bɛa dí lɛ tumaa nyɛɛ ka mìinaabaa nɛ.
Bɛa sɛ́wɔ lɛ nɛ, Yezu a kialandɛnan laanka minin ba Yezu a sii a woo ǹ bǎã doɛ̃ taãn wa. A giala, a sii dadaran zɛnaan lɛn man toɛ minin tá nɔ̀n diɛ la. Bɛa sii lɛn kiɛ̃ kio, Zuifun nyɛɛnaadɛnan nə́ yoo Yezu ganaa, ǹ ná a zɛ̀rɛ baa. Ǹ nə́ dere gɔn ganaa, a gere nə́ n bĩ. Sɛ́wɔ lɛ a gɔn nyɔmɔ ǹ bǎã nɛ Yezu a gɛ̀ wɔ gɔn ganaa kio, ǹ nə́ tɔ́n pɛ foaãnɛ a bɛ́ min mɛn lɛa. Sɔraasin giĩ goon pɛ mà giĩ kɛ n Lawa a Nɛ lɛa. (15.39)
Sɛ́wɔ lɛ a boo mìi dadaran:
Batɛmu-dali ZAÃ a da ǹ boo, 1.1-8
Sɛtaan nə́ n da Yezu gɔ́ɔ̃ li, 1.9-13
Yezu a nya ǹ dí Galilee gána nɛ, 1.14—9.50
Yezu n soe Galilee woe Zeruzalɛmu, 10.1-12
Yezu a da kanaa mìi ka a gɛ̀, 11—15
Yezu a yii kaa, 16.1-8
Yezu nə n din nyɛɛ a kialandɛnan manɛ, 16.9-20
Currently Selected:
Marki Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.