Misee Da yiri-a ǹ boo
Da yiri-a ǹ boo
Misee a boo yɔrɔ na á goã dia-n Samarii minin laanka Zudaa minin la. A giala, ǹ giã ǹ gɔn nə́ n bɔyaa á baraa kɔ á la yii ni: Soɛ nə ǹ dí lɛa, ǹ ba bɔlɔ goon pii wa, kɔn wɔ ma banban sumu-n wa, kɔrɔbaa nɛ, mɛnaa kɔn la nɛ, kakaarɛbaa nɛ. Nyɛɛnaandɛnan nɛ, Lawa a wúlu-bɔlen ne, Lawa a boo gii dalin ni, ǹ tumaa n goon. Maǹ nə́ ǹ dí nyɛɛ giɛ wɔrɔ li.
Misee mà bɛa siin kɛn lɛn tumaa taman yii, mà Lawa á die ǹ kiwin lɛn yui, a dɔlɔ bɔ ǹ dininmaan ganaa. Misee laanka Izayii a dí-nyɛɛ biikoo na á kɔnpɛ. Izayii na á goã dí nyɛɛ Zeruzalɛmu kiwi. Misee sɛ na á goã dí nyɛɛ kiwi boɛɛn kɔn nɛ, ǹ nə́ bíi Moresɛti. Min mɛnɛn nə goã boe doobaan yii ni, a na á goã yui bɛn gialaa.
Bɛa biikoo li, pàã na á goã Asiirii minin lon. Misee a boo lɛ kio gɔrɔ, ǹ nə́ Samarii kiwi nya, ǹ nə́ n tele Zeruzalɛmu kiwi dɔ li. Sɛnɛ, Lawa lɛ bɛ́ Lawa mɛn tɔrɔ lɛa, a makara-doɛ̃ á gole. A din nə die wusii a na a minin lɛn si ǹ zɔ́ɔn la, a Davida tɔrɔ da ǹ mìi la, bɛ nə ǹ lɛduə̃. (5.1-4)
Sɛ́wɔ lɛ a boo mìi dadaran:
Lawa a dɔlɔ bɔ a zaman ganaa, 1—3
Lawa a giã a zaman mìi la laanka a zaman kirisibaa, 4—5
Lawa a gɔn-waa laanka a lɛ-kɔ ǹ boon Izirayeli wɔ paǹ li, 6—7.
Currently Selected:
Misee Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.