Azee Da yiri-a ǹ boo
Da yiri-a ǹ boo
Lawa a boo gii-dali Azee a waáraa na á daa yaa bɛ̀ Izirayeli tɔrɔn nə́ bɔ bɛ̀rɛbaa ǹ bǎã nɛ Baabiloni ǹ nə́ daa. Azee tɔ lɛ giala mà: «Foo kɔɔ̃n».
Izirayeli minin lɛn bɔ Baabilonii bɛrɛbaa ǹ bǎã nɛ a daa li, ǹ tɛnɛn nə́ goã nɔmaa nɛ doobaabaa gɔn, bòo dɔ nə ǹ gialaa. Lawa pɛ ǹ nɛ mà maǹ nɔmaa kɛ we kɛnɛn mà a giala maǹ tɔn na asɛ Dɛnaa Lawa guguru kɔ ǹ kion kɛ dɔ wa. Mà ǹ dinin man wɛɛ kion sonboren ne, ǹ nə́ nyaǹ kaa ǹ gɔ́ɔ̃ nɛ mà asɛ wɔ n kɛbɔlɔ biɛ tán. Baabilonii minin man nə́ Lawa a kion lɛ yu lɛ̀ biɛsooro ka pɔkiwisi ka sɔbaa (587) bɛ̀ Yezu tɔn yɛ wa. Azee Lawa a dia dí-a wole na á goã n gɔn wɛɛ ǹ nɛ a giala mà ǹ gù basã ka Lawa kion lɛ a wusoo a doe ne. Mà ǹ wusoo ǹ nə ǹ gù kaa, ǹ nə ǹ nanaa a doe li. A na á goã gɔn waa ǹ boo diɛ ǹ nɛ paapaa, a tumaa dɔ n kɔnpii ka a biikoo ne. Sɛ́wɔ lɛ á boe la a n talakɔn paǹ paa.
Sɛ́wɔ lɛ a boo mìi dadaran:
Paǹ bibinaa: Lawa a kion dɔ biikoo, 1
Paǹ paabaa ǹ wɔ: Foo taã ǹ boo, 2.
Lawa pɛ Azee ne mà asɛ a kion dii kɛ á re siĩn koe a la lɛlɛ wɔ kɛ nɛ, sɛnɛ mà ǹ dininmaan nə ǹ doa ǹ goã yoreen ne, mà asɛ á re barka diɛ ǹ ganaa.
Currently Selected:
Azee Da yiri-a ǹ boo: SCE2013
Highlight
Share
Copy
Want to have your highlights saved across all your devices? Sign up or sign in
San Catholic Edition Bible © Bible Society of Burkina Faso, 2013.